Monday, January 3, 2011

பயணம்



முன் இருக்கைகளையும் ,
ஜன்னல் வழி பிரபஞ்சத்தையும்
தவிர வேறேதும் காணா கண்கள்
பேருந்து பயணம்

திறக்கும் என தெரிந்தும் கதவை மட்டுமே நோக்குவதும்
அழுத்தி ஓய்ந்த பின்னும் பொத்தான்களை நோக்குவதும்
லிப்ட் மீது ஒரு குறும் பயணம்

எளியாரில் வலியார் தேடும்
பொது வகுப்பு ரயில் பயணம்

குறட்டை வருமோ மானம் போகுமோ
தூக்கம் இழந்த விழிகளுடன்
விமானத்தில் ஒரு சொகுசு பயணம்

குனித்து நிமிர்ந்து சரிந்து சாலையை அளவெடுக்க
திமிறி படரும் அவளின் அங்கங்களையும் அளவெடுக்க
இளமை மிளிரும் ஒரு பைக் பயணம்

வலி மிகுந்த நேற்றைய பயணங்கள் தாம்
வலி குறைக்கும் இன்றைய சுவாரஸ்யங்கள்

No comments: