Saturday, December 11, 2010

நானே ராஜா


நீ யார் என்னை ஆள
நானே ராஜா நானே ,

நான் நடக்குமிடத்தில் முள் இருந்தால்
உன் கைகளை என் பாதங்களாக்கு,
உன் குருதி காண நடப்பேன் முள் மேல் மீண்டுமொருமுறை
நான் சிரிக்கையில் நீ சிரிக்கவேண்டும்
நீ அழுவாய் நான் அழ நேர்ந்தால்

நான் உண்ணும் உணவை சாக்கடையில் எறிவேன்
நீ உண்ணும் உணவில் மல ஜலம் இடுவேன்

நான் உறங்கும் நேரத்தை இரவு என்று அழை ,
விழித்த நேரத்தை பகல் என்று கூறு

நான் ஆடைகளை துறப்பவன்
நிர்வாணத்தை ரசிப்பவன்

நான் உன் மேய்ப்பன்
நீ என் அடிமை

என்னை என்னவென்று அழைப்பாய்
கொடூரன் என்றா , கோமாளி என்றா
அரக்கன் என்றா , அயோக்யன் என்றா

அதற்க்கெல்லாம் உனக்கு வாய்ப்பு இல்லை
அப்படி அழைக்க கொஞ்சம் வயது வேண்டும்
அந்தோ பரிதாபம் .......
இப்போதைக்கு

" குழந்தை " என்று அழைத்துக்கொள்

2 comments:

விந்தைமனிதன் said...

நல்லாருக்குடா மாப்ள. கொஞ்சம் செதுக்கி இருக்கலாம்

GSV said...

Nice...:)