Thursday, December 30, 2010

பெண்


பெயர்க்காரணம் சொல்வது கடினம்
பெயரே ஆரணம் ஆகியபடியால்

பிறவி ஊமை பேசமுடியாது
பெண் பேசுவாள்

இடப்புறம் இருப்பாள் அல்லது
வலப்புறம் இருப்பாள்
இருபுலங்கள் இணைவதில்லை

இவள் இன்னொருத்தி வாழ்க்கையை வாழ்பவள்
இன்னொருத்தி இவளை வாழ்பவள்

முரண்பாடு - ஆயுதம் தாங்கிய
நிராயுதபாணி அவள்

துரோகமும் காதலும் ஒரு சேர செய்வது
இவளுக்கு உரித்தான தனித்தன்மை

அழகான குழப்பம் அல்லது
குழப்பம் அழகானது

வள்ளுவனின் வார்த்தை
பெண் வழி சேறல்

ப்ராய்டின் வாதம்
பெண் ஒரு இருட்டு கண்டம்

ஐன்ஸ்டீனின் குழப்பம்
புரியாத புதிர்

ஓஷோவின் தியானம்
போகப் பொருள்

புகை பிடித்தல்
மது சுவைத்தல்
அவளின் இன்றைய போதை சிறியது

சமையல் சுகம்
பதி பக்தி
ஆபரண தாகம்
முகஸ்துதி மயக்கம்
புடவை மோகம்
புறம் பேசுதல்
டி வி சீரியல்
அவளின் நேற்றைய போதை கொடியது

ஏமாறாமல் ஏமாறுவாள் அல்லது
ஏமாற்றி ஏமாறுவாள்

Tuesday, December 28, 2010

விட்டில் பூச்சி - 2


காதல் கண்ட பின் தான் உணர்ந்தேன்
சந்நியாசி தான் நல்ல சம்சாரி என்று

புலியை கட்டி ஓட்ட ஆரம்பித்துவிட்டேன் -இனி
மாட்டை பூட்டுவது மடத்தனம்

எத்துனை அபத்தம் - கிளியிடம்
பச்சை நிறத்தை மாற்ற சொல்லி
மன்றாடிக்கொண்டிருக்கிறேன்

ஆந்தைக்கு இரவில் பார்வை உண்டு
ஏமாந்து போனேன்
இரவிலும் பார்வை உண்டு

காதல் என்பது நெருப்புதான்
நான் எப்படி விட்டில் பூச்சி ஆனேன்

Sunday, December 26, 2010

பதிவரே - சற்று கவனியும்


இதை சொல்லியே ஆகவேண்டும் , அடக்கி வைத்த மூத்திரம் பெய்கையில் நாற்றமெடுக்கும் ,ம்ஹும் , விந்தை மனிதன் என்னுடைய பல வருட நண்பன் தான் என்றாலும் , அவருடைய சமீபத்திய பதிவு ஒன்று ( நல்ல வரவேற்பு அளிக்கப்பட்ட ) என்னை இப்படி எழுத தூண்டிவிட்டுவிட்டது .

பதிவர் பா.ராவும் ஒரு தோழியும்...

எங்கிருந்து அய்யா இது வருகிறது , நீர் நூறு பதிவு போட்டுவிட்டதால் , நாலு நண்பர் வட்டாரம் வந்ததால் , மரியாதை நிமித்தமாக சில விசயங்களில் உங்களை கலந்து கொள்வதால் இப்படி எழுதுவதா . கவிஞர் என்றால் "அது " இரண்டு இருக்க வேண்டுமா , ஆறு கோடி பெரும் எழுத நினைக்கும் ஆர்வத்தை ரசியுங்கள் , முயற்சியை பாராட்டுங்கள் , கிண்டலடிக்காதீர் , நீரும் அப்படித்தான் ஆரம்பித்தீர் , கொஞ்சம் பழசை அசை போடும் .

முதன் முதலில் நான் பத்தாம் வகுப்பு படிக்கும்போது எனது பள்ளியில் தமிழ்நாடு முற்போக்கு எழுத்தாளர் கூட்டம் ஒன்று நடைபெற்றது . அன்று எங்கள் பள்ளி சார்பாக யாராவது கவிதை வாசிக்க வருவார்களா என்று அழைத்தபோது என்னை அனுப்பினார் எனது கணக்கு வாத்தியார் . அன்று அவ்வளவு கேவலமாக நான் வாசித்த கவிதையை அவர்கள் புகழ்ந்தனர் , இன்றும் என் சொந்த ஊருக்கு அவர்கள் நிகழ்ச்சி தபால் அனுப்பிய வண்ணம் உள்ளனர் . அவர்களின் இந்த முயற்சியின் காரணம் ஊக்குவிப்பு மட்டுமே .

கண்ணன் என எனக்கொரு அண்ணா உண்டு , அவர் படிக்காதவர் , எழுதவும் படிக்கவும் கற்றுக்கொண்டு கதை எழுத ஆரம்பித்தார் ,அதற்கு காரணம் சுந்தரனார் பல்கலைகழகத்தை சேர்ந்த தமிழாசிரியர் .அவர் பல முறை உம் போல் சிலரின் விமர்சனத்துக்குள்ளானாலும் , அவர் எழுதிய "ஆலமரம் " என்ற கதை படிப்பவரின் கண்களை குளமாக்கிவிடும்,அந்த கதைக்காக அவர் தமிழக அரசு விருது வாங்கியுள்ளார் , நல்ல வேளை அவரை உங்களுக்கு தெரியாது

இன்னும் சிலர் இங்கு உள்ளனர் . எழுத்துக்கு தோரணம் கட்டுபவர்கள் . சொல்ல வேண்டியதை நேராக சொல்லாமல் சுற்றி வளைத்து சொல்வதுதான் உங்கள் அகராதியில் பதிவர் அல்லது எழுத்தாளரா ?

பக்கத்தில் இருப்பவன் எனக்கு இம்சையை கொடுக்கிறான் என்பதற்கு , ஜப்பானிய துருப்புகள் இந்தோனேசியாவில் நுழைந்த போது ஹாலந்து நாட்டினரின் மனநிலையை போல் இருந்தது என எழுதுகிறார் நண்பர் ஒருவர் . ஐய்யா ,நான் உம் எழுத்தை மிக விரும்பி படிக்கிறேன் , உவமைக்கு ஏன் இப்படி எழுதுகிறீர்கள் என்று புரியவில்லை , சாப்பிட்டாயா என்ற கேள்விக்கு , அமெரிக்க பிரதமர் ரஷ்யாவில் விருந்து சாப்பிட்டபோது அதில் விஷம் இருக்கலாம் என்ற எண்ணத்தில் அவருடைய ஐரிஸ் மெய்காப்பாலனை முதலில் சாப்பிட வைத்த போது எதிரில் உட்கார்ந்திருந்த மாட்ரிட் இளவரசர் சொன்னது போல எனக்கும் பசியில்லை என்று சொல்வது போல் உள்ளது . வெகு ஜனத்திற்கு புரியும்படி எழுதுங்கள் .

இதை பற்றி பேசும்போது , உனக்கு உலக அறிவு கம்மி , உனக்கு புரியல ,அதப்பத்தி எனக்கு என்ன , புரியறவங்க படிப்பாங்க என்று விதண்டாவாதம் பண்ணுபவர்கள் சிலர் . இப்ப என்ன புக் படிக்கிறீங்க ,என்ற கேள்விக்கு இன்று வரை எனக்கு கிடைத்த பதில என்ன வென்றால் , நான் அல்லது வெகு ஜன மக்களுக்கு அல்லது கூடவே இருக்கும் இன்னொரு பிரபல பதிவருக்கும் கூட தெரியாத புத்தகங்களின் பேர் சொல்வதே இவர்களுக்கு வேலையாகிபோயவிட்டது .

ஈழ பிரச்சினையை பற்றி எழுதி கண்ணீர் விட வேண்டியது , சரி ,அதற்காக ஒரு பைசா செலவு செய்தாயா அல்லது அவர்களை நேரில் ஒரு முறை கண்டு ஆறுதல் செய்தாயா - பக்கம் பக்கமாக அவர்களை பற்றி எழுதி நீ நல்லவனாக காட்டிகொல்கிறாய் - இந்த நீ என்பது சில பல மக்களை குறிப்பது .உங்கள் போதைக்கு ஈழ தமிழர் ஊருகாயாகிவிட்டனர்

தலைவர்களும், தொண்டர்களும் அப்புறம் மக்களும்..கே ஆர் பி

இவர் கொஞ்சம் சிரத்தை எடுத்து சொல்லுகிறார் , இவர் சொல்கிறது போல , இன்னொரு விஷயம் அரசியல் , ஒரு குரூப்பு அமைத்து கொண்டு மாற்றி மாற்றி ஓட்டு குத்தி கொள்வது ,எனக்கு நீ போடு ,உனக்கு நான் போடுறேன் , நான் பதிவுலகம் வந்து முழுதாய் ஆறு மாதம் கூட ஆகவில்லை எனக்கே இது எரிச்சல் தருகிறதே ,இதில் என்ன இருக்கிறதென்று சில பல வருடங்களாக இப்படி செய்து கொண்டே இருக்கிறீர்கள் என்று எனக்கு புரியவில்லை .
ஒரு பதிவராக இருக்க இந்த இந்த குவாலிட்டி இருக்க வேண்டும் என்று நீங்களாக தீர்மானித்து கொள்வது , புதிதாக வருபவனை எள்ளி நகையாடுவது , ஒருவருக்கொருவர் நன்றாக சொம்படித்துக்கொள்வது,யாரை பார்த்தாலும் இந்த புத்தகம் படி என்ற அறிவுரை சொல்லுவது , எப்போ பார்த்தாலும் புரியாத ஒரு புத்தகத்தை படிப்பதாக கூறிக்கொள்வது , ஏன் இப்படி மக்கா , ஆதரியுங்கள் , கோணல் மாணலாக எழுது பவனுக்கு சொல்லிதாருங்கள் ,ஆறு கோடி பேர் எழுதினாலும் உங்கள் இடம் உங்களுக்கே ஐய்யா ! புலவரே !

உங்களை புண் படுத்த அல்ல , செய்வதை கொஞ்சம் பக்குவமாக செய்யுங்கள் , நீங்கள் சொல்வதை நம்பும் கூட்டம் ஒன்று இருக்கிறது என்னை போல ,நல்ல திறமை உள்ள நீங்களே இப்படி செய்தால் எப்படி என்ற சின்ன கோபமே !

Thursday, December 23, 2010

சோறும் சோறு சார்ந்த இடமும் - கோவில்பட்டி வட்டாரம்


கோவில்பட்டியிலிருந்து கழுகுமலை செல்லும் வழியில் வானரமுட்டி என்ற ஊர் உண்டு . அந்த ஊரிலிருந்து மூன்று மைல் தூரம் நடந்து சென்றால் வெயிலு கந்த புரம் என்ற ஊர் வரும் , இந்த ஊரில் தான் சமையல் கலையை கற்கும் ஆர்வம் எனக்கு வந்தது , என் அம்மா பிறந்த ஊர் அது , வெறும் மிளகாய் பொடியும் மஞ்சள் பொடியும் மட்டும் சேர்த்து நாட்டு கோழி குழம்பு வைப்பார்கள் என் பாட்டி , அந்த சுவை எந்த ஒரு மசாலா வை விடவும் மிஞ்சி விடும் அளவிற்கு இருக்கும் . சேர்க்க வேண்டியதை சேர்க்க வேண்டிய நேரத்தில் சேர்த்தால் நல்ல சுவை கிடைக்கும் என்பார் என் பாட்டி . என் அம்மா மட்டன் வறுவல் செய்தாலோ , குடல் குழம்பு வைத்தாலோ சுற்றி இருக்கும் பத்து வீட்டிலிருந்து டபரா கிண்ணி பறந்து வரும் . மட்டன் வறுவலை பொறுத்த வரியில் அதன் பச்சை வாசனையை நீக்கி , சம்பா வத்தலும் , தனியாவையும் , சீரகத்தையும் அதனுடன் கொஞ்சமாக வெந்தயம் மற்றும் கருவேப்பிலை சேர்த்து சிறிது நல்லெண்ணையில் வதக்கி அம்மியிலிட்டு மைய அரைத்து ஏற்கனவே அரைத்த இஞ்சி பூண்டு சின்ன வெங்காயம் மற்றும் பட்டை சோமபில் வதக்கி எடுத்த மட்டன் கலவையோடு சேர்த்து மிதமான சூட்டில் வேக வைத்து நல்லெண்ணெய் ஊற்றி இறக்கினால் சுவையான மண மணக்கும் மட்டன் வறுவல் தயார் . இஞ்சி பூண்டு சீரகம் என மருத்துவ குணம் மிகுந்த பொருட்கள் கலக்கப்படுவதால் வயிற்றுக்கும் எந்த பிரச்சினையும் இல்லை .


கோவில் பட்டி , அசைவ பிரியர்களுக்கு பெரியசாமி ஹோட்டல் ஒரு நல்ல உணவகம் . அனைத்து வகையான அசைவ உணவுகளும் நல்ல தரத்துடன் வழங்கப்படுகிறது . மாலை நேரம் புரோட்டா சாப்பிடும் அன்பர்களுக்கு ஏ 1 புரோட்டா கடை கண்டிப்பாக பிடிக்கும் , இங்கும் உங்களுக்கு முட்டையில் செய்யப்படும் கரண்டி ஆம்லேட் மற்றும் வழியல் போன்றவையும் கிடைக்கும் . கோவில் பட்டி
கடலை மிட்டாய் ஒரு அருமையான இனிப்பு , மொரு மொரு வென்று கடித்து மென்று ஒரு டம்ளர் தண்ணீர் குடித்தால் ஒரு சுகம் வரும் பாருங்கள் ....எம் எல் ஆர் , இந்த கடையில் இந்த மொரு மொரு கடலை மிட்டாய் கிடைக்கும் . கோவில் பட்டியிலிருந்து சாத்தூர் செல்லும் வழியில் வள்ளி மில் பஸ் ஸ்டாப் அருகே ஒரு பெயரில்லாத கடை உண்டு . எப்போதும் கூட்டம் மொய்க்கும் அந்த கடையில் என்னதான் விற்கிறார்கள் என்று ஒரு முறை எட்டி பார்த்தேன் . உளுந்து வடை க்குதான் அத்தனை போட்டி , அப்படி ஒரு உளுந்து வடை நான் இது வரை சாப்பிட்டது இல்லை . நா வில் வைத்த மறு கணம் கரைந்து விடுவது போல , எண்ணை குறைவாக , உளுந்த வடிக்க உரிய மணத்துடன் , கொஞ்சம் குழைவாக ,கொஞ்சம் முறைப்பாக , அந்த தக்காளி சட்னியுடன் தொட்டு சாப்பிடும்போது என்ன ஒரு சுவை . பை பாஸ் பயண வாதிகளே , மறக்காமல் ஒரு முறை எட்டி பாருங்கள்

சங்கரன் கோயில் பிரியாணி என்றால் ஓரளவு எல்லாருக்குமே தெரிந்தே இருக்கும் , சங்கரன் கோவிலுக்கு இப்படி ஒரு பெருமை கிடைத்தது சுல்தானியா பிரியாணி கடை யால் தான் . பதினொன்று மணியிலிருந்து ஒரு மணிக்குள் முடிந்து விடும் இங்கு பிரியாணி . உட்கார்ந்து சாப்பிடுவது கஷ்டம் அதனால் நிறைய பார்சல்கள் கட்டுவார்கள் . கூட்டம் அலை மோதும் .அப்படி என்ன இருக்கிறது ,இது என் நாவின் பதில் - இங்கு பயன்படுத்தப்படும் அரிசி சீராக சம்பா , பொதுவாக பிரியாணியில் நாம் பாசுமதி அரிசி தான் பயன்படுத்துவோம் இல்லையா , சீரக சம்பா வும் பிரியாணிக்கு மிக உகந்தது என்பது இங்கு சாப்பிட்ட பின் தான் அறிந்தேன் , இந்த கடையில் பயன்படுத்தப்படும் நெய் மற்றொரு காரணம் , இப்படி ஒரு மணம் கமழும் பிரியாணியை ஐதராபாத் பேரடைஸ் ஹோட்டலில் கூட கிடைக்காது . குற்றாலம் செல்லும் வழியில் நீங்கள் சங்கரன் கோயில் செல்ல நேர்ந்தால் இந்த கடையை மறக்காதீர்கள்

குற்றாலம் என்ற உடன் அருவிகளுடன் இன்னொரு இடமும் ஞாபகம் வருகிறது . பார்டர் புரோட்டா கடை .குற்றாலம் அருகே செங்கோட்டை கேரளா பார்டரில் ரஹ்மத் புரோட்டா கடை இருக்கிறது , இதை எல்லோரும் பார்டர் கடை என்றுதான் அழைக்கின்றனர் . குற்றாலத்தில் ஒரு நல்ல ஹோட்டல் இல்லையே என்பவருக்கு பார்டர் கடை பற்றி தெரியாது என்று அர்த்தம் . விருதுநகர் எண்ணை புரோட்டா போல இருந்தாலும் இங்கு சுவை வித்தியாசப்படுகிறது . வறுத்த கோழி , வறுத்த காடை போன்றவை பிரசித்தம் , சீசன் நேரத்தில் கூட்டம் அலை மோதும் , குறைந்தது ஒரு முப்பது முறையாவது இங்கு சாப்பிட்டிருப்பேன் , ஆனாலும் திகட்டாத உணவகம்

அடுத்து நம் அண்ணன் அஞ்சா நெஞ்சனின் கோட்டை , தலைநகர் மதுரை பற்றி அவர் சாப்பிட்டது போக உள்ள மிச்சத்தை அசை போடலாம்

Wednesday, December 22, 2010

உலர் பூ


அவள் ஊர் புகுந்தாள்
உருக்குலைத்தாள்
உதறி திரும்புகையில்
உலரும் பூக்களாய் நான் உயிர் அஞ்சலி செய்தேன்

அவன் தியான வீரன்
திமிரும் கன்னி அலையின் மேல் ஏறும் விவேகன்
கற்பாறை மேல் அமரும் முன் அவன்
தோளில் தொற்றிய பூ மாலை நான்

அவளும் அவனும் அமரர்கள்

நான்

அழகிய அலைப்பெண்ணின் வெள்ளை சிரிப்பு - அல்லது
ஆர்ப்பரிக்கும் கடலின் வெண் மகுடம் - அல்லது
நீ சொல்வது போல் கரை தொட்டு மரிக்கும் நுரை

Sunday, December 19, 2010

குட்டி மகிழ்ச்சி


கையில் காசில்லாத போது -தேடி சென்று
பிச்சைக்காரர்களை திட்டி அனுப்புவதில்
ஒரு குட்டி ஆறுதல்

உச்சு கொட்டி ஓரமாக நடந்தாலும் -
ரத்தத்தில் குளித்த விபத்தான வண்டியை
எட்டி பார்க்கையில் ஒரு குட்டி திருப்தி

கண்களில் கண்ணியத்தை காட்டியபோதிலும் -
அவள் கடந்து செல்கையில்
மறைத்ததை தேடுவது ஒரு குட்டி குதூகலம்

தான் கண்ட உலக நாடுகள் பற்றி
மென்பொருள் நண்பன் பேசியபோது
அடுத்த ரிசஷன் எப்போது என்ற நினைப்பு
ஒரு குட்டி ஏக்கம்

கற்பழிப்பு காட்சியை
கனத்த இதயத்துடன் பார்க்கும் போது
இம்முறையாவது "அது " நடக்குமா என்பது
ஒரு குட்டி குரூரம்


மனம் குமுறி அழுதபோது -
நாளை இன்னொருவனும் என் போல்
அழுவான் என்ற எண்ணம்
ஒரு குட்டி மகிழ்ச்சி

Wednesday, December 15, 2010

நிற்க




காதில்லா ஊசியுமே கடைசி வரைக்கும் வராதே - நிற்க

முதலில் இருந்தே வராது காசில்லாத பட்சத்தில்



எத்தனை பேர் தொட்ட முலைஎத்தனை பேர் நட்ட குழி - நிற்க

விபத்து நேர்ந்துவிடுவதால் இனி சாலைகளில் செல்லாதீர்



பெண் மனதை புரிந்தவர் ஒருவரும் இல்லை -நிற்க

நேற்றுவரை வாலாட்டிய தெருநாய் இன்று விரட்டி விரட்டி கடிக்கிறது



ஒவ்வொரு ஆணின் வெற்றிக்கு பின்னால் ஒரு பெண் இருக்கிறாள் -நிற்க

உண்மைதான் வெற்றிக்கு பின் தான் இருக்கிறாள் முன் அல்ல


Sunday, December 12, 2010

முகமூடி


கொப்புளித்த கோபம்
குளமான விழி
கூறாத வாய்
அழகான மனைவி
அன்பான குடும்பம்

சுடும் துரோகம்
நடுங்கும் கரங்கள்
உடுக்கை இழந்தவன்
உயிர் நண்பன்

தேய்ந்தது கால் செருப்பு
அழிந்தது கை ரேகை
வராக் கடன்
வெள்ளை சிரிப்பு
நல்ல வியாபாரி



அழுகை குரல்கள்
ஆறுதல் வார்த்தைகள்
சோக வெள்ளம்
" எவனுக்கு வாய்க்குதோ " உள்ளே
"நல்ல மனுஷன் ஹும் " வெளியே

ததும்பும் பாசம்
பசுவை தேடும் கன்று
அடங்கு மகனே அடங்கு
மாமியார் - மறு தாய்
நாடக மேடையில் நிஜம் நடிப்பு
நடித்து வெற்றியை ஜெயிக்கிறோம்
ஆனால் வெற்றி தோற்றது

பொய் என்பது பொய்
உண்மை என்பது பச்சை பொய்

சோறும் - சோறு சார்ந்த இடமும் - திருநெல்வேலி


திருநெல்வேலி என்றாலே எனக்கு கண் முன் வருவது தாமிரபரணி ஆறும் , செம்மண் நிலமும் தான் . திருநெல்வேலி என்றால் நமக்கு ஞாபகம் வருவது அல்வா தான் இல்லையா. எனவே நாம் அல்வா விலிருந்து ஆரம்பிப்போம் .

இருட்டுக்கடை அல்வா , எப்படி செய்கிறார்கள் என்பது இன்று வரை புரியாத புதிர், ஆனால் சுவை , நாவில் எச்சில் சுரக்க வைக்கும் சுவை , இன்னொரு விஷயம் சாதாரணமாக அல்வா வினால் ஏற்படும் அஜீரண பிரச்சினை இங்கு எட்டி கூட பார்ப்பதில்லை . இருட்டுக்கடை அல்லாது இன்னொரு கடையும் உண்டு , சாந்தி சுவீட்ஸ் , ரயில்வே ஜங்சன் அருகே உள்ள பல சில சாந்திகளுக்கிடையில் ஒரிஜினல் சாந்தியை கண்டுபிடிப்பது கொஞ்சம் சிரமம் தான் , ஆனால் கூட்டம் மொய்க்கும் கொஞ்சம் பழைய கடையாக தட்டுப்படும் சாந்தி கண்டிப்பாக உங்கள் கண்ணில் படத்தான் செய்யும் . இருட்டு கடைக்கு நிகரனான அல்லது ஒரு படி சுவை அதிகமான அல்வா சாந்தி சுவீட்ஸ் சிலும் கிடைக்கும் . கூட்டம் மற்றும் காத்திருப்பது இங்கும் ஒரு பிரச்சினைதான் , ரயில் நிலையம் அருகில் இருப்பது பிரயாணிகளுக்கு சவுகரியம் , கால் கிலோ பொட்டலங்களாக கிடைக்கும் இவற்றை வாங்கி கொண்டு எப்படியும் ரயிலை பிடித்து விடலாம்

மதிய வேளை , சைவ சாப்பாட்டிற்கு மண்பானை சாதம் கடை மிகச்சிறந்த இடம் . ஒரு குடிசை , அதனுள் நீளவாக்கில் இரண்டு டேபிள்கள் , பத்து இருக்கைகள் , பரிமாற இரண்டு மூதாட்டிகள் , கல்லாவில் உட்காராமல் ஊர்கதை பேசி சுற்றிகொண்டிருக்கும் முதலாளி . அசைவ பிரியனான நான் விரும்பி சைவம் சாப்பிடும் கடை இது . காரணம் செய்முறை தான் . கடையின் பெயருக்கு ஏற்ப இங்குஉணவுகள் மன்பானையிலேயே சமைக்கப்படுக்றது , வாழை இலையில் மண் பானை சோற்றுடன் ஒரு மனம் வரும் பாருங்கள் , சொல்லி மாளாது , இந்த சுவைக்கு ஈடு இணை கிடையாது . எவ்வளவு சாப்பிட்டாலும் வயிறுக்கு ஒரு பிரச்சினை வராது . கூடுதலாக நாம் வாங்கிகொல்வதற்க்காக வாழைப்பூ பொரியல் , அகத்தி கீரை பொரியல் , பாகற்காய் பொரியல் போன்றவை ஐந்து ரூபாய் வீதம் கிடைக்கும் . ருசிக்கு நான் கியாரண்டீ . விருந்தோம்பல் என்பதன் அர்த்தம் நமக்கு அறியச்செய்யும் ஒரு மண் வாசனை கடை . வண்ணாரப்பேட்டை பை பாஸ் சாலை ஓரத்தில் இந்த குடிசையை பார்க்கலாம் , கொஞ்சம் கூட்டம்தான் , பக்கத்திலேயே ஒரு டூபிளிகட் கடை கூட உண்டு ஜாக்கிரதை

அடுத்ததாக முத்து மெஸ் , இந்த முத்து மெஸ்ஸின் முதலாளி வள்ளலாரை கடவுளாக பாவிக்கும் ஒரு கூட்டத்தை சேர்ந்தவர் . ஜன்க்சன் லிருந்து டவுன் செல்லும் வழியில் ஸ்ரீ புரம் என்ற இடத்தில உள்ள சைவ மெஸ் . இங்கு விசேசம் என்ன வென்றால் பரிமாறுபவர்களின் நடை உடை பாவனை உங்களை வடலூர் சத்திய தர்ம சாலைக்கு அழைத்து செல்லும் . இங்கு உணவு இயற்கை யான , ரசாயன கலப்பு ( பிளேவர் ) இல்லாத வகையில் சமைக்கப்படுகிறது, வயிறும் மனமும் நிறைந்து திரும்பலாம் , இன்னொரு விசேசம் என்ன வென்றால் , ஆறு நாட்களும் ஆறு வகை பத்திய ( டயட் ) சாப்பாடு . புதன்கிழமைகளில் இங்கு உளுந்து சாதம் என்பது கட்டாய சாப்பாடு . இந்த உளுந்து சாப்பாடென்பது பண்டை தமிழர்களின் கலாச்சாரம் , கலியாணம் செய்துகொள்ளும் மன மக்களுக்கு உளுந்து சாதம் வழங்கு வது ஒரு பழக்கமாகவே இருந்து வந்துள்ளதாம் , அதில்லாமல் உளுந்து சாதம் சாப்பிடுவதால் எலும்பு மஜ்ஜை , சவ்வு ( லிகமண்டு ) போன்றவை வலுப்படும் , முதுகு , இடுப்பு வலிகள் தீருமாம் . அந்த பழைய ரெசிபி இவர்களிடம் நீங்கள் காணலாம் . சாப்பாடு முடித்த வுடன் ஒரு இனிப்பு தருவார்கள் , இதிலும் எந்த வொரு பிலேவரும் கலக்கப்படாமல் இயற்கையாகவும் , சுவையாகவும் கிடைக்கும்

செம்மீன் , இது மட்டும்தான் திருநெல்வேலி யில் இருந்த நல்ல அசைவ ஹோட்டல் , நமது துர் அதிர்ஷ்டம் அந்த ஹோட்டல் மூடப்பட்டு விட்டது , இப்போதைக்கு நம்பி சாப்பிட " ஹோட்டல் வைர மாலை " பரவாயில்லை . இதில்லாமல் சாயந்தர வேளைகளில் ஆங்காங்கே கிடைக்கும் பொடி வடைகள் நல்ல ருசி .
அடுத்த பதிவில் நாம் கோவில்பட்டி சுற்று வட்டாரம் பார்க்கலாம்

Saturday, December 11, 2010

நானே ராஜா


நீ யார் என்னை ஆள
நானே ராஜா நானே ,

நான் நடக்குமிடத்தில் முள் இருந்தால்
உன் கைகளை என் பாதங்களாக்கு,
உன் குருதி காண நடப்பேன் முள் மேல் மீண்டுமொருமுறை
நான் சிரிக்கையில் நீ சிரிக்கவேண்டும்
நீ அழுவாய் நான் அழ நேர்ந்தால்

நான் உண்ணும் உணவை சாக்கடையில் எறிவேன்
நீ உண்ணும் உணவில் மல ஜலம் இடுவேன்

நான் உறங்கும் நேரத்தை இரவு என்று அழை ,
விழித்த நேரத்தை பகல் என்று கூறு

நான் ஆடைகளை துறப்பவன்
நிர்வாணத்தை ரசிப்பவன்

நான் உன் மேய்ப்பன்
நீ என் அடிமை

என்னை என்னவென்று அழைப்பாய்
கொடூரன் என்றா , கோமாளி என்றா
அரக்கன் என்றா , அயோக்யன் என்றா

அதற்க்கெல்லாம் உனக்கு வாய்ப்பு இல்லை
அப்படி அழைக்க கொஞ்சம் வயது வேண்டும்
அந்தோ பரிதாபம் .......
இப்போதைக்கு

" குழந்தை " என்று அழைத்துக்கொள்

Thursday, December 9, 2010

சோறும் - சோறு சார்ந்த இடமும் - சாத்தூர்


நான் வேலை செய்த முதல் நிறுவனத்தில் வேலைக்கான நேர்முகத்தேர்வு நடந்த போது " நீங்கள் மனம் விரும்பி , உங்களையே மறக்கும் அளவிற்கு எந்த வேலையில் ஈடுபடுவீர்கள் " என்ற கேள்விக்கு ,நான் உடனே சொல்லிய பதில் " சமைப்பதும் , சாப்பிடுவதும் "
நான் வேலை நிமித்தமாக பல ஊர்களுக்கு செல்பவன் , செல்லும் ஊர்களில் எது நல்ல ஹோட்டல் , எங்கு வயிறுக்கு பிரச்சினை வராது , எங்கு மண்வாசனையுடன் மணக்க மணக்க சாப்பிடலாம் என்று தெரிந்து வைத்துகொண்டு வெட்டு குத்தில் இறங்குவது வழக்கம்

சாத்தூர் :

நான் ஒன்பது முதல் பன்னிரண்டு வரை படித்த ஊர் . தினமும் கிடைக்கும் பைக்காசை சேர்த்து வைத்து கிரகம் ஹோட்டலில் புரோட்டா சாப்பிடுவது வழக்கம் . இன்று கிரகம் ஹோட்டல் சொல்லும்படி இல்லை என்றாலும் , சாத்தூரை பொறுத்த மட்டில் அசைவத்திற்கு நாடார் மெஸ் , சைவத்திற்கு தேவி விலாஸ் தான் . பிள்ளையார் கோவில் தெருவில் பழைய காலத்து வீடு ஒன்றில் தான் நாடார் மெஸ் நடத்தப்படுகிறது , இங்கு சாப்பாட்டுடன் ,ஒரு மட்டன் சுக்கா வாங்கி பிசைந்து சாப்பிட்டால் எவ்வளவு சாப்பிடுகிறோம் என்பதே தெரியாத அளவு சாப்பிட ஆரம்பித்து விடுவோம் . பொதுவாக சாயந்தர வேளைகளில் தேன் மாவட்ட மக்கள் விரும்பி சாப்பிடும் உணவு புரோட்டா தான் .சாத்தூர் பை பாஸ் சாலையில் செட்டியார் கடை என்று கேட்டால் , ஒரு வெட்ட வெளி சாலையோர கடையை காட்டுவார்கள் .இங்கு புரோட்டாவிற்கு சைவ குழம்புதான் என்றாலும் , சுவையாக இருக்கும் . தமிழ் நாட்டில் முதன் முதலில் கரண்டி ஆம்லேட் கண்டுபிடித்தது இந்த கடைதான் . சுற்றிலும் மொரு மொறுப்பாக , உள்ளே கொஞ்சம் குழைவாக , காரம் உப்பு அளவாக சேர்த்து , தாளிக்கும் கரண்டியில் சுட்டு தருவார்கள் . இங்கு வரும் ஒவ்வொருவரும் குறைந்தது இரண்டு கரண்டியாவது சாப்பிடுவார்கள் . கொஞ்சம் கூட்டம் அலைமோதினாலும் காத்திருக்க வேண்டிய அவசியம் இருக்காது .
சாத்தூருக்கு பெருமை சேர்க்கும் இன்னொன்று சேவு , இதில் இரண்டு வகை உண்டு நடப்பு சேவு , நயம் சேவு . இரண்டுமே நன்றாக இருந்தாலும் உள்ளூர் காரர்களுக்கு நடப்பு செவென்றால் தான் இஷ்டம் .
உலக அளவில் பிரசித்தி பெற்றது சாத்தூர் வெள்ளரிக்கா , எந்த சீசனிலும் இங்கு வெள்ளரி பிஞ்சு கிடைக்கும் . பல வெளி நாடுகளில் இன்று பயன்படுத்தும் வெள்ளரிக்காய் இங்கிருந்து ஏற்றுமதி செய்யப்படுவது தான் .

மதுரையில் இருந்து திருநெல் வேலி செல்லும் வழியில் விருதுநகருக்கு அடுத்து சாத்தூரை பார்க்கலாம் . சாத்தூர் வழி செல்லும்போது வெள்ளரிக்காய் , கரண்டி ஓம்லெட் , நடப்பு சேவு வாங்க மறக்காதீர்கள்
அடுத்த பாகத்தில் திருநெல்வேலி பற்றி பார்க்கலாம்

Wednesday, December 1, 2010

"கடக்கர அண்ணாச்சி "


"கடக்கர அண்ணாச்சி " அப்படித்தான் கூப்பிடுவாங்க அவரை . அது 1992 , கடற்கரை சண்முகம் என்பது அவரோட பெயர் . வழுக்கை தலை , அஞ்சரை அடி உயரம் , வெள்ளை வேட்டி சட்டை ,கெடா மீசை,கோல்ட் பிளேட் கைக்கடிகாரம் ,மொத்தத்துல பழைய தமிழ் திரைப்பட நடிகர் செந்தாமரையை மாதிரியே இருப்பாரு .

நெஞ்சுல இருக்குற தங்க செயின் தெரியுறமாதிரி ரெண்டு பட்டன சட்டையில கலட்டிவுட்டு தான் இருப்பார் . அவர பாத்து போலீஸ் காரங்க பயப்படனும் ன்னு தான் அப்படி சண்டியரு மாதிரி அலைவாராம் .
கடற்கரை ன்ற பேறுக்கு ஒரு காரணம் உண்டு . எம் ஜி ஆர் ஆட்சி காலத்தில , விடுதலை புலிகளுக்கு உதவி செய்யுறதுக்கு ஒரு சமூகம் வேலை செய்து கொண்டிருந்ததாம் , பழைய ஆர் எக்ஸ் 100 யாமஹா பைக்கின் என்ஜின் மற்றும் ஏராளமான வெடிபொருட்கள் , துப்பாக்கி இதெல்லாம் கடற்க்கரை மணலில் கரையோரம் பொதெச்சி வைப்பாங்களாம் , விடுதலைப்புலிகளுக்கு இந்த அடையாளம் நன்றாக தெரியுமாம் , இரவு நேரங்களில் அவங்க அதை எடுத்துட்டு போயிருவாங்களாம் . சண்முகம் அண்ணாச்சி அந்த புதைக்கும் கூட்டத்தில் மிக முக்கியமானவராம் . எங்கே எதை வைப்பது , அதில் புலிகளுக்கு மட்டுமே தெரிந்த அடையாளங்களை வைக்கிறது இதெல்லாம் அவருக்கு அத்து படியாம் . அதனாலேயே அவருக்கு கடக்கர சண்முகம்னு பெயர் வந்ததாம் .இதெல்லாம் நான் பள்ளிகூடத்தில் படிச்சிகிட்டு இருக்கும்போது போது என் சித்தப்பா சொல்லுவாரு .

எங்க ஊரில் ஏலக்காரர் கடை இட்லி சாப்பிட கடக்கர அண்ணாச்சி வருவாப்ல . இட்லியும் குடல் கொழம்பும் வாங்கிகிட்டு 4 அவிச்ச முட்டையும் சேர்த்து ஒரு விளாசு விளாசுவார் , அதை பார்க்கும் யாருக்கும் நாக்கில் எச்சில் ஊரும் . ' எலே , இந்த சுகத்துக்குதானே டே மனுஷன் நாயா அலையுறான்,இந்த சோறு நம்மாளுக எல்லாத்துக்கும் கெடைக்கனும்டே " என்று சொல்வார் . அகதி மக்களுக்காக வேதனை படுற ஆளு சாப்பாட்டு விசயத்துல மட்டும் ஏன் இப்படின்னு நெனைக்காதீங்க , எங்க எல்லாருக்குமே தெரியும் அவர் எதனால அப்படி சாப்புடுராருன்னு . அவரு கூட எப்பயுமே ஒரு நாலு சின்ன வயசு பசங்க வருவாங்க , ஒவ்வொரு தடவையும் வேற வேற பசங்க , வேற மாதிரி தமிழ் பேசிகிட்டு , பழைய துணிகள போட்டுக்கிட்டு, பூபோட்ட மினுமினுக்கிற லுங்கி கட்டி , பரட்ட தலையோட , சின்ன பயம் தெரியிற கண்களோட இருப்பாங்க அந்த பசங்க .
முகாம்ல நம்ம சொந்த பந்தம் , சகோதரர் எல்லாம் ஒரு வேலை சாப்புட்டு வாழும்போது ,நமக்கெதுக்கு நல்ல சாப்பாடு ன்னு நெனைச்சு அந்த பசங்க சரியா சாப்பிட மாட்டாங்களாம் , அவங்கள நல்லா சாப்பிட வைக்கணும் அப்படீன்னு இவரு அவங்க முன்னாடி இப்படி சாப்புடுவாராம் . ஏதேதோ பேசி அவங்கள நல்லா சாப்பிட வச்சிட்டு " ரோசக்கார பயக, இவங்க இப்பிடி சாப்புடரத பாத்துகிட்டே செத்து போயிரனும்டே,அத விட நல்லா சாவு கெடைக்குமா டே " என்று அவர் சொல்லும்போது கண் கலங்கி நா தழுதழுக்கும். இதை பார்க்கும் கிராம மக்கள் எல்லோருடைய மனசிலும் திடீரென்று ஒரு சோகம் அப்பிகொள்ளும் .
ஆரம்பத்துல அவரு புலிகளோட வச்சிருந்த தொடர்பு போக போக குறைய ஆரம்பிச்சது ,அதுக்கு நெறைய காரணம் இருந்துச்சு ,இந்திய அரசியல் நிலவரமும் ,புலிகளுக்கு இருந்த தடை கடுமயாக்குனுதும் ஒரு காரணம்தான் , ஆனா கடக்கர அண்ணாச்சி ,"போர்ல அவங்களுக்கு உதவி செய்ய இளவட்டங்க இருக்கானுக , பொழைக்க வந்த இந்த புள்ளைகளுக்கு தான் யாருமில்ல டே" ன்னு சொல்லுவார் . நெறைய கிராமங்களுக்கு போயி மக்களோட மக்களா நின்னு அவங்க மனசுல ஈழ மக்களை பத்தி பேசி , "அவங்க நம்ம ஆளுங்க டே , நாம தாண்டே அவங்கள பாத்துக்கணும் "ன்னு சொல்லி எந்த துனியா இருந்தாலும் குடுங்கன்னு அவரே முன்ன நின்னு வாங்குவாரு , 1o பைசா கூட பரவாயில்ல குடுங்கன்னு வாங்கி போட்டுக்குவாரு ,. ஒவ்வொரு பள்ளிகூடத்திலையும் யார் யார் கிட்டயோ பேசி செஞ்சி ரெண்டு புள்ளைகலயாவது சேத்து விட்டிருவாரு ,அவங்க படிப்பு செலவுக்கு நாங்கல்லாம் சஞ்சாயிகா ல சேர்த்து வைப்போம்.ரேடியாவில் கொழும்பு வானொலி நிலையத்துல " இருபது புலிகள் சுட்டு கொல்லப்பட்டனர் , ஒரு ராணுவ வீரர் காயமடைந்தார் " ன்னு சொல்லும்போதெல்லாம் கடக்கர அண்ணாச்சி ஞாபகம் தான் வரும் . "எல்லாமே புளுகுடே ௦, அப்பிடியே அத மாத்தி புரிஞ்சிக்கோ " ன்னு சொல்லுவார் .
கடக்கர அண்ணாச்சி மாரடைப்புல செத்துட்டாருன்னு கேட்டதுமே எங்கம்மா அழுத்திச்சு , எனக்கு மாரடைப்பு நோய் மேல ஏகப்பட்ட கோபம் வந்தது . டவுன் ஸ்கூல் போற வரைக்கும் ,மாரடைப்புங்கிறது ,கடக்கர அண்ணாச்சி மாதிரி நல்லவங்களுக்கும் , பெரியவங்களுக்கும் மட்டும் வர்ற நோயின்னே தான் நேனைசிகிட்டு இருந்தேன் .
அவரு இருக்கும் போது எங்க யாருக்குமே இப்ப தெரியிற ஈழ வரலாறுல ஒரு சதவீதம் கூட தெரியாது ,ஆனா ஊரே அவரு பின்னாடி நின்னு கைகொடுத்துச்சி , ஆனா இன்னைக்கு ஒரு நாள் முழுசும் பேசுற அளவுக்கு விஷயம் தெரியும் எல்லாருக்குமே , ஆனாஅப்ப செஞ்ச உதவியில ஒரு சதம் கூட இப்போ பண்ண முடியல , ஏன்னும் தெரியல .

Tuesday, November 30, 2010

நடை பாதை நாயகர்


தார் கடலின் கரையில் நின்று
வாகன மீன் பிடிப்பவன் நான்

ஒரு நொடி வியாபாரம் என்னை வாங்க
ஒரு நாள் விலை கொடுத்தவன் நான்

நான் வாழ்வது கோடிகளில் -
வாடிக்கையாளர்களும் வாழுமிடமும்

பலரின் பரிகசிப்பில் என் மனம் அழும்
சிலரின் பரிதாபத்தில் என் தன் மானம் அழும்

நகர்தலும் நகர்த்துதலும் நகராமல் உள்ளன
நான் கண்ட நகரத்தின் பெயர்க்காரணம்

நேற்று வராத மழையின் மண் வாசம்
இன்று வரும் நாயர் கடை பஜ்ஜி வாசம்
நிர்ணயிக்கின்றன
நான் விற்கும் பொருட்களின் விலையை

Monday, November 29, 2010

ஓட்டு போட ஓடி வாங்க அண்ணாச்சி


ஓடி வாங்க ஓடி வாங்க அண்ணாச்சி
ஓட்டு போட ஓடி வாங்க அண்ணாச்சி

கட்டம் ஒன்னு கட்டியிருக்கோம் அண்ணாச்சி
கள்ளம் கபடம் இல்லாதது நம்மாச்சி

அன்னாடம் செய்யாத வேலைக்கு 100 ரூவா
அரிசி வாங்க அய்யா உங்களுக்கு போதும் ஒரே ரூவா

ஓட்டு ஒன்னுக்கு ஐயாயிரம் ரூவா
அதில்லாம க்வாட்டர் கட்டிங் 100 ரூவா

கட்டிக்க கலர் கலரா வேட்டி சேலைங்க
காட்டிக்க கலர் கலர் டி வி பெட்டிங்க

போனா வராதுங்க , டன் டனா டன் ஆப்பருங்க ,
டி வி யோட சேத்து 850 ரூவா கேபிள் இலவசங்க

செவிக்குணவுன்னு சொன்னாரு வள்ளுவரு
செவிக்கும் கண்ணுக்கும் சேத்து உணவு தந்தவரு தலைவரு

வேல வேட்டி இல்லாம வீட்டுலேய இருந்தா வரும் நோயிங்க
ஓசியில வைத்தியம் பாக்க காப்பீட்டு திட்டமுங்க
ஈசியா போறதுக்கும் வச்சிருக்கோம் 108 ங்க

வடக்கு வாழ்ந்திச்சுங்க ,தெக்கு தேஞ்சிச்சுங்க
ஆரியர் அனுபவிச்ச சொத்தெல்லாம்
அசால்ட்டா கொண்டுவந்தோம் திராவிடருக்கு

ஊர் ஊருக்கு நிலம் வாங்கியிருக்கோம் எங்க சொந்த செலவுல -
தப்பு தப்பு
சிங்கள அரசு கிட்ட இருந்து தமிழ் நாட்டு நிலங்களை காப்பாத்தியிருக்கோம்

ஊர் ஊருக்கு ஷாப்பிங் காம்ப்ளெக்ஸ் கட்டியிருக்கோம்
எங்க சொந்த செலவுல ,
மலிவு வெலையில நீங்க ஷாப்பிங் பண்ண

உங்க நட்சத்திரம் எங்ககிட்ட பத்திரம்
புது புது சினிமா , பெரிய பேனர் சினிமா
வெளம்பரம் பண்ண நம்ம சேனல் , நல்ல சேனல்

சிவனோட மகன் முருகன் மச்சான் கண்ணன்
மருமக வள்ளி , ரெண்டாவது மனைவி கங்கா
கடவுளோட சொந்தமும் கடவுள் தாங்க
எங்க தலைவரோட சொந்தமும் தலைவருங்க தாங்க
கடவுளா பாத்தா ஆத்திகம் ஆரியம்
தலைவரா பாத்தா நாத்திகம் திராவிடம்
இது தாங்க குடும்ப அரசியல் சூத்திரம்

ஆயிரம் வடநாட்டுக்காரன் அடிக்க வேண்டிய அலைவரிசை அமௌன்ட்ட
ஒத்த ஆளா கொண்டு வந்தவரு நம்ம கூட்டாளுங்க

ஒன்னவர் உண்ணா விரததுக்கே ஈழ விடுதலைன்ன
ஒரு நாள் புல்லா இருந்தா உலகத்துக்கே விடுதலைங்க

ஒண்ணா ரெண்டா நாங்க செஞ்சதுங்க
ஒலகமே திரும்பி பாக்குது தமிழ் நாட்டங்க

இன்னும் நாம உசரம் பாக்கணும் அண்ணாச்சி
அத இந்த உலகம் பாக்கணும் அண்ணாச்சி

Saturday, November 27, 2010

நில் - கவனி


அதிகாலை நடைபயிற்சி
நடக்கும் பாதங்கள் , ஓடும் எண்ணங்கள்

என்னை பார்த்து கொண்டே எதிரே ஓடிவரும் என் நண்பன்
ஓடவில்லை , மிதக்கிறான்

சைக்கிளில் செல்லும் " இன்றே இப்படம் கடைசி "
ஹோண்டாவில் செல்லும் " காதல் ஓவியம் "
கவாசாகி சுமக்கும் " வெளிநாட்டு ரம் "
சுசிகியில் போகும் " சப்த ஸ்வரங்கள் "
டை கட்டி நடக்கும் " விண்ணப்ப படிவங்கள் "
பூச்சி மருந்தை சுமந்து செல்லும் தொழிலதிபரின் பென்ஸ்
மாருதியில் மையம் கொண்ட சாப்ட்வேர் புயல்

கிளட்ச் பிடித்தலும், ப்ரேக் மிதித்தலும்
அலையும் மனதிற்க்கிடையே
அனிச்சை செயலாகிப்போனது


இந்திய சாலைகள் பலவீனமானது ,
செல்லும் வாகனங்களால் அல்ல
சுமக்கும் சோகங்களால்

Friday, November 26, 2010

நன்பேண்டா


வாங்கும் முன்

"மாப்ள உன் கையுலதாண்டா என் வாழ்க்கையே இருக்கு "
" இந்த உதவி நீ செய்யலேனா , நான் நடுத் தெருவுக்கு வந்துருவேண்டா "
" யாருட்டயாவது கடன் வாங்கியாச்சும் குடுறா "
" ஒரே வாரத்தில கொடுத்துருவேண்டா "
" எனக்கு வேற யாரையும் தெரியாதுடா "
" சத்தியமா சொன்ன தேதிக்கு முன்னாடியே தந்துருவேன் "
" தற்கொலை செய்யறதத்தவிர வேற வழியே இல்லடா "

வாங்கிய பின்

"அவன மாதிரி ஒரு பிரண்டு , சான்சே இல்ல மாப்ள "
" அருமையா பாடுறான் தெரியுமா "
" அவன பாத்தாலே எனக்கு சந்தோசமா இருக்குடா "
" என்னோட ஒரே ஆறுதல் அவன்தான் "
" எனக்குன்னு ஒருத்தன் இருக்கான்டா "

தரும் முன்

" டே மாப்ள , வண்டி ஒட்டுறேண்டா , ஒரு பத்து நிமிசத்துல கூப்பிடுறேன் "
" இல்ல மச்சான் இன்னொரு லைன்ல முக்கியமான கால் பேசிட்டு இருந்தேன் "
" மாப்ள சார்ஜு கம்மியா இருக்குடே , இப்பவே கூப்பிடுறேன் "
" 100 % நாளைக்கு தர்றேன் மாப்பள "
" வரவேண்டிய இடத்துல இருந்து வரல டா, நாளைக்கு வேற ஏதாவது பண்றேன் "
" ஆளு என்ன பாக்க வந்துகிட்டே இருக்கான் , மூணு மணிக்கெல்லாம் அக்கௌண்ட்ல போட்டுருவேன் "
"நான் அவனுக்கு தான் டயல் பண்றேன் , கொஞ்ச நேரம் கழிச்சு கூப்பிடுறேன் "
" உங்கள் அழைப்பு பார்வோர்ட் செய்ய படுகிறது "
" நீங்கள் டயல் செய்த என் தற்போது சுவிட்ச் ஆப் செய்ய பட்டுள்ளது "

தந்த பின்

" அவன் திமிரு புடிச்சவன்டா "
" பணத்திமிரு மனுசன எப்பிடியெல்லாம் மாத்துது பார் "
" மனுசங்கள சம்பாதிக்கலையே "
" பணத்தையும் சேத்தா தூக்கிட்டு போகபோறாங்க "
" அவன் சோத்துக்கு இல்லாமதான் சாவான் பாரு "
" அவன்கிட்ட காசு வாங்குனதுக்கு பதிலா நாலு பேருக்கு ......."

உப்பிற்கு சப்பாணி


வியர்க்க வியர்க்க ஓடுகிறேன் , விரட்டி விரட்டி அடிக்கிறது

வாழ்க்கை - வாழ தெரிந்தவர்களுக்கு மட்டும்

ஏமாறுகிறேன் என்று தெரியும் , இருந்தும் ஏமாறுகிறேன்
இதையாவது ஒழுங்காக செய்கிறோமே என்ற திருப்தியுடன்

பொய்யான சில வாசகங்கள் தான் என் குட்டி சந்தோசங்கள் -
"பணக்காரனுக்கு நிம்மதி இருக்காது "

அடிமைபடுத்தும் கணவனிடம்
அமைதியாய் தோழமை தேடும் பெண்
தோழனாய் வாழ்பவனை
துப்பு கேட்டவன் என்கிறாள்

குடிகார கணவனை " வீட்டில் வைத்து குடி "

என்பாய் அன்பாய்
குடியா அன்பரை உப்பிற்கு சப்பாணி என்பாய்

அடக்கு முறையாய்

அன்பை பணத்தால் வாங்க முடியாது
சரிதான் - ஆனால் பணத்தால் வளர்க்கமுடியும்

அடிமையாயிறு அல்லது அடிமைப்படுத்து -
இப்படித்தான் அமைகிறது வாழ்க்கை

Tuesday, November 23, 2010

அரசனை நம்பி புருஷனை - பௌலோ கோல்கோ வின் குட்டி கதை - 10


அது ஒரு தவளை கூட்டம் , இந்த முறை, மழையும் சரியாக இல்லை , அதனால் பெரிதாக வேலையும் இல்லை . ஆகவே தவளைகள் அனைத்தும் ஒன்று கூடியது . இந்த மாதிரி வறட்சி நேரங்களில் நாம் வேண்டிக்கொள்ள , நல்ல மழை நேரங்களில் நம் மகிழ்ச்சியை கொண்டாட நமக்கும் ஒரு கடவுள் கண் முன்னே வேண்டும் என்று ஒரு மனதாக தீர்மானத்திற்கு வந்தது தவளை கூட்டம் .

உடனே ஒரு சேர கடவுளை அழைத்து தங்களுடைய கோரிக்கைகளை அவருக்கு தெரிவித்தன . கடவுளும் இதை கேட்டு நல்ல ஒரு சந்தன மர கட்டை ஒன்றை தவளைகளுக்கு கொடுத்து , இதனை என்னை போன்று மதித்து தொழுவீராக என்றார் .
நாட்கள் நகர்ந்தன . தவளைகள் தாவின , சில நாட்களில் பக்தி போனது ,வெறும் மரக்கட்டை தானே என்று தவளைகள் அதனோடு விளையாடின . கொஞ்ச நாட்களில் மர கட்டை சலித்து விடவே ,தவளைகள் மீண்டும் கடவுளை அழைத்தன . உங்கள் வடிவமாக நங்கள் வேண்டுவது மரக்கட்டை அல்ல , எங்களை கட்டுபடுத்தும் ஒன்று அல்லது பய பக்தி தரும் ஒன்று வேண்டும் என்று தெரிவித்தன . நீண்ட யோசனைக்கு பின் கடவுள் இன்னொரு விலங்கை அனுப்பி வைத்தார் தவளைகளின் கடவுளாக .

என்ன தெரியுமா ? வேறென்ன ,தவளைகளின் இறைவன் ------பாம்பு தான் .

இழந்த பின் தான் சிலவற்றின் மதிப்பை அறிகிறோம்

Thursday, November 18, 2010

பிறந்த நாள் வாழ்த்து - அன்பு தம்பி சுப்புவுக்கு

தம்பி

அறியப்படாத விஷயங்கள் நம்மை பயமுறுத்துகிறது

அறிய ஆசையும் வருவதில்லை பதட்டத்தில்

அறிந்தால் நிம்மதி பறி போகுமோ என அஞ்சினோம்

அறிவதை விட அகம் குளிர ஒருவனை தேடுகிறோம் - அந்த

அறியாத ஒருவனை கடவுள் என்கிறோம்

அறிய முயல்கிறோம் அவனையும்

அறிவிலா கல்லை அவனாக உவந்தோம்

அறிந்தே அவனை தொழுதோம் அந்த அறியாத பயம் விலக

அறியாதவன் ஆத்திகன் பயத்தினால்

அறிந்தவன் நாத்திகன் தெளிந்ததால்

அறிவாய் என் தம்பி , அந்த

அறியாத பயம் மரணத்தை பற்றியது

அறிவாயோ மாட்டாயோ , ஆனால்

அறிந்த நீ பிறந்த தினம் குழப்பமற்றது

குழப்ப மற்றதை கொண்டாடு , குப்பிகளில் குழப்பி கொண்டாடு ,

குறைவாகக் கொல் , குறைவாகக் கொள்

குறைந்த தூக்கம் .துக்கம் நல்லது - இன்று மட்டுமாவது

அன்பு வாழ்த்துக்கள்

அர . பார்த்த சாரதி

Wednesday, November 3, 2010

மனதில் நின்றவர் 2 ஆல்பர்ட் ஐன்ஸ்டின்


" என்ன இருக்கிறது " என்பது தேடல் , "நான் நினைத்தது இருக்கிறதா ?" என்பது முட்டாள்தனம்
தவறுகளே செய்யாதவன் ஒரு முழு சோம்பேறி யாகத்தான் இருப்பான்

காலி வயிற்றுடன் அரசியல் பேசாதே

முட்டாள்களின் கிணற்றில் தான் கோபம் பொங்கும்

கல்வி என்பது நீ படித்து மறந்ததில் இருக்கும் மிச்சம்

மிக சிலரே தங்களுடைய சொந்த கண்களால் உலகை பார்க்கிறார்கள்

காதலில் விழுவதற்கு புவி ஈர்ப்பு விசை காரணமல்ல

நான் அறிவாளி அல்ல , ஆனால் செய்யும் வேலையில் அதீத ஆர்வம் மிக்கவன்

ஒரு விஷயத்தை உன்னால் எளிதாக விவரிக்கமுடியவில்லை என்றாள், உனக்கும் அந்த விஷயம் பற்றி முழுமையாக தெரியாது என்று பொருள்

கற்பனை அறிவை விட முக்கியமானது

பல புத்தகங்கள் படித்து தகவல்களை தெரிந்து வைத்திருப்பவனை அறிவாளி என்று அழைக்கலாகாது

எந்த மட்டத்தில் ஒரு பிரச்சினை உருவாக்கப்பட்டதோ , அதே மட்டத்தில் இருந்துகொண்டு உன்னால் அதை சமாளிக்கமுடியாது

ஆல்பர்ட் ஐன்ஸ்டின் , 1879 - 1955 , ஜெர்மனில் பிறந்து அமெரிக்காவில் தஞ்சம் புகுந்த உலக பிரசித்தி பெற்ற அணுவியல் விஞ்ஞானி . அணு சக்தி இவருடைய கண்டுபிடிப்பு

Friday, October 29, 2010

சாதுவின் கோபம் - பௌலோ கோல்கோ வின் குட்டிகதை 9


கோபப்படாதவர் உலகில் வாழமுடியுமா ? முடியும் என்பதுபோல் ஒரு சாது வாழ்ந்து வந்தார். அவர் வாழும் பகுதியில் அவர் மீதொரு நல்ல மரியாதை இருந்து வந்தது , அவர் யாரையும் ,துன்புறுத்துவதில்லை யார் மீதும் எதற்கும் கோபம் கொள்வதில்லை.

இதை அறிந்த ஒரு துடுக்கான வாலிபன் அவரை சீண்டி கோபம் வரவழைக்க முடிவு செய்து அவரிடம் சென்றான் . நன்றாக யோசித்து சாதுவின் குடிலுக்குள் நுழைந்தான் .

சாது சிலருடன் பேசிகொண்டிருந்த சமயத்தில் " அய்யா , தங்கள் இந்த ஊருக்கு வந்து வேற்று மதத்தினரை கட்டாய மதமாற்றம் செய்வதாக கேள்வி " என்று அதிரடியாக பலி சுமத்தினான் . இதை

கேட்ட சாது எதுவும் பேசாமல் சிரித்த வண்ணம் அமைதியாக இருந்தார் . இதனால் எரிச்சலடைந்த வாலிபன் தகாத வார்த்தைகளால் அவரை திட்ட ஆரம்பித்தான் , ஆயினும் அவர் அமைதியாகவே இருந்தார் .

சிறிது நேரம் திட்டி களைத்த வாலிபன் " நான் இவ்வளவு திட்டியும் தங்களுக்கு கோபம் வரவில்லையா ?" என்று கேட்டான் ,

சாதுவும் இம்முறை சாந்தமாக " தம்பி , நான் செய்யாத தவறிற்கு என்னை திட்டினால் எனக்கு எப்படி கோபம் வரும் , நீ திட்டிய திட்டுகள் என்னை குறிக்கவில்லையே தம்பி " என்றார் .

இதை கேட்டு விட்டு சென்ற அந்த வாலிபன் , சாது தவறு செய்யும் வரை பொறுக்கலாம் என்று நினைத்துகொண்டான் .


சில மாதங்களுக்கு பிறகு ஊர் கட்டுபாட்டை மீறி , பசியுடனிருந்த ஒரு திருடனுக்கு சாது உணவளித்தார் . இதை தெரிந்து கொண்ட வாலிபன் ,இதுதான் தக்க சமயமென்று சாதுவிடம் சென்றான் .

இம்முறையும் மிக அருவருப்புத்தரும் வார்த்தைகளால் சாதுவை திட்டினான் , ஆனால் சாதுவோ அதே அமைதியுடனும் சாந்ததுடனும் எதுவும் பேசாமல் இருந்தார் .

கோபத்தில் " அய்யா நீர் செய்த குற்றத்திற்காக தான் இவ்வளவும் திட்டினேன் , நான் திட்டியது எல்லாம் உங்களையே சேரும் , ஆனாலும் கோபப்படாமல் அமைதியாக இருக்கிறீர்களே ஏன் " என்று கேட்டான் வாலிபன் .

" தம்பி , இம்முறை நான் குற்றம் செய்ததால் அதற்கு தண்டனையாக உன் திட்டுகளை எடுத்து கொண்டேன் , இதில் கோபப்பட என்ன இருக்கிறது , நான் தப்பு செய்ததால் தானே நீ திட்டுகிறாய் " என்றார் பணிவுடன் அந்த சாது ! இதை கெட்ட அந்த வாலிபன் என்ன சொல்வதென்றே தெரியாமல் தலை குனிந்து சென்றான் .


சில நாட்களுக்கு பின் மீண்டும் அந்த சாதுவை சந்தித்த வாலிபன் " அய்யா , கோபம் வராமலிருப்பது சாத்தியமா ? உங்களால் மட்டும் எப்படி கோபம் கொள்ளாமலிருக்க முடிகிறது ? " என்று கேட்டான்
" தம்பி , கேள் !கோபம் கொள்ளாமலிருப்பது எந்த ஒரு ஜீவ ராசியாலும் முடியாத காரியம் , இரண்டு முறை நீ என்னை பரிகசித்தபோது எனக்கு தாங்க முடியாத கோபம் வந்தது , உன் கோபத்தை நீ என்னை திட்டி வெளிக்காட்டினாய் , நானோ என கோபத்தை அமைதியாகவும் சிரித்த முகத்துடனும் காட்டி உன்னை எரிச்சலடைய செய்தேன் , கோபம் என்பது எல்லோருக்கும் பொதுவானதுதான் , அதை காட்டும் விதம் தான் விளைவுகளை தீர்மானிக்கிறது " என்று முடித்தார்

Thursday, October 28, 2010

கண் கெட்டபிறகு கார்


" என் பல வருட கனவு இன்று நிஜமாகிவிட்டது " நினைத்து நினைத்து பெருமிதம் கொண்டான் கண்ணன் . மழையில் நனைந்து மின்னிக்கொண்டிருந்த இ சி ஆர் சாலை மீது வழுக்கிக்கொண்டு சென்று கொண்டிருந்தது அந்த புத்தம் புதிய ஸ்கோடா கார் . பிடித்த ஒரு ஆங்கில பாடலை ப்ளேயரில் போட்டு விட்டுகொண்டான் ."ஷோ மீ தி மீனிங் ஆப் பீயிங் லோன்லி" அவன் உதடு உற்சாக மிகுதியில் அப்பாடலை பாடிக்கொண்டிருந்தது .இருக்கையை சற்று பின்னுக்கு தள்ளி , கொஞ்சம் சாய்வாக அமர்ந்து கொண்டு ஒரு ஸ்டைலாக ஸ்டீரிங் மீது கை வைத்து கொண்டான் . அவ்வப்போது கடக்கும் இரு சக்கர வாகனகளை பார்த்து "சிட்" என்று சொல்லிகொண்டான் . இத்தனை சந்தோசத்திற்கும் பின்னால் , முன்னாள் , இடையில் இருப்பது அவன் புதிதாய் வாங்கியிருக்கும் இந்த கார்தான் . இந்த கார் சற்று விலை உயந்த ஜாதி , வாங்கினால் இந்த காரை மட்டும்தான் வாங்குவேன் , எல்லோரையும் போல் விலை குறைவான கார் வாங்குவதில்லை என்று உறுதியுடன் இருந்தவன் கண்ணன் , இந்த நிமிடத்திற்காக எத்தனை தியாகங்கள் செய்திருப்பான் , மனைவி மகனை கூட நினைக்காமல் இரவு பகலாக உழைத்து இதோ வாங்கியாகிவிட்டது கனவு கார் .
விரல்களில் காரின் சாவியை சுற்றி கொண்டே வீட்டிற்க்குள் நுழைந்தான் , கையில் இனிப்பு பொட்டலம் , ஓடி வந்த மகனை கைகளில் அள்ளி கொண்டு மனைவியையும் அம்மாவையும் தேடினான் . உள்ளறையில் இருந்து வெளியே வந்து கொண்டிருந்த மனைவியை கண்டதும் மகனை கீழே இறக்கிவிட்டு , மனைவியை அலேக்காக தூக்கி கொண்டு ஒரு முறை சுற்றி இறக்கி விட்டான் , அவளின் முகத்தின் முன்னே காரின் சாவியை தொங்க விட்டு " சர்பிரைஸ்" என்றான் . மாடியில் இருந்து கீழே இறங்கிகொண்டிருந்த அவன் அம்மாவை பார்த்தது ஓடி சென்று காலை தொட்டு வணங்கினான். புரியாமல் விழித்த அம்மாவின் கண்ணை கைகளால் கட்டி கார் வரை கொண்டு சென்று கைகளை விலக்கி சிரித்து மகிழ்ந்தான் . அனைவரும் காரின் அருகில் நின்றும் உள்ளே அமர்ந்தும் சந்தோசமடைந்தனர் , அவன் மனைவி தன் பங்கிற்கு இந்த நிகழ்வுகள் அனைத்தையும் போட்டோ எடுத்துகொண்டாள்.ஒரு வழியாக அன்றைய தினம் மகிழ்ச்சியும் குதூகலமுமாக சென்றது .
அடுத்த நாள் காலை எழுந்தது முதலாகவே மகனை தேடிக்கொண்டிருந்தாள் கண்ணனின் மனைவி, மூன்று வயது பையன் , படு சுட்டி , வால் வாண்டு எங்கே சென்று விட்டானோ என்ற கலக்கம் அவள் கண்களில் தெரிந்தது . கண்ணனும் தன் பங்கிற்கு வீடு முழுதும் தேடிவிட்டு வீட்டிற்கு வெளியே கார் நிற்க வைத்த இடத்திற்கு வந்து பார்த்தபோது அவன் இருதயமே நின்றுவிடும் போல் இருந்தது . ஆம் , அவன் கனவு காரில் அந்த குட்டி வால் பையன் கல்லை கொண்டு சிராய்த்துகொண்டிருந்தான் , ஒரு கணம் , ஒரே கணம் தான் ,கையில் கிடைத்த ஏதோ ஒன்றை எடுத்து பையனை நெருங்கினான் , குட்டி பையனும் அப்பாவை பார்த்து மகிழ்ச்சியுடன் " அப்ப்பா" என்று கத்திக்கொண்டு விபரீதம் தெரியாமல் ஓடி வந்தான் , அவன் மழலை மொழியில் ஏதோ சொல்ல முனைந்து கொண்டிருந்த போதே , அவன் பிஞ்சு கையை, கையில் எடுத்து வந்த ஏதோ ஒன்றால் பட பட வென அடித்து விட்டான் , "சனியனே , உன் புத்திய காட்டிட்ட இல்ல , கார் பக்கம் போகாதன்னு நேத்தே கொஞ்சி கொஞ்சி எத்தனைதடவ சொன்னேன்,கேட்டியா " வெறி பிடித்த மாதிரி கத்தி விட்டான் , பயத்திலும் வழியிலும் குழந்தை ஒ வென்று அழ ஆரம்பித்தது , சட்டென்று அவன் மனதில் ஒரு மின்னல் வெட்டியது , கையில் என்ன வைத்திருக்கிறோம் என்று அப்போதுதான் பார்த்தான் , அது இரும்பால் செய்யப்பட ஒரு பெரிய சைஸ் ஸ்பானர் , தப்பு செய்து விட்டோமே , இதால் அடித்தால் பிஞ்சு கை என்னாகும் என்று நினைத்த மாத்திரத்தில் குழந்தையை தூக்கிக்கொண்டு அருகில் இருக்கும் மருத்துவ மனை நோக்கி ஓடினான் கண்ணன்
' சாரி சார் , இந்த கை இனி விளங்காது , உள்ள இருக்கிற எல்லா எலும்புகளும் சுக்கு நூறா ஒடஞ்சி போச்சு , எதுக்கும் சிட்டிக்குள்ள போய் டிரை பண்ணி பாருங்க " டாக்டரம்மாவின் குரல் அமிலமாய் இறங்கியது அவன் காதில் , என் மகனின் கையை நானே விளங்காமல் செய்து விட்டேனே , இந்த பாவம் எந்த அப்பனும் செய்வானா , இந்த பிஞ்சு பிள்ளை , நானே அடித்திருந்தும் என் மீதே ஆதரவாய் படுத்துக்கொண்டிருக்கிறானே , அய்யோ , கண்களில் தாரை தாரையாய் கொட்டியது அப்பனின் பாசக்கண்ணீர். இத்தனைக்கும் காரணமான இந்த காரை இப்போதே அடித்து நொறுக்குகிறேன் என்று கிளம்பினான் . கோபத்துடன் காரை நெருங்கியபோதுதான் அதை கவனித்தான் , அவன் மகன் அந்த காரில் கல்லால் கிறுக்கிய வாசகங்களை " ஐ லவ் டாடி " என்று . இந்த பிஞ்சு மனது தன் மீதுள்ள பாசத்தின் வெளிப்பாடகல்லவா கல்லால் இவ்வாறு எழுதியிருக்கிறான் என்று தெரிந்தவுடன் அவனை தீரா துயரம் வாட்ட ஆரம்பித்தது , இப்போதைக்கு அழுவதும் உணர்வதும் தவிர வேறொன்றும் அவனுக்கு ஆறுதல் அளிக்க இயலாது
முன்பெல்லாம் தங்களுடைய பாசத்தின் வெளிப்பாடாகவும் ,காதலை காட்டவுமே நகைகள் , உடைகள் , கார் போன்ற பொருட்களை பரிசளித்தனர் , இப்போது மனிதர்கள் மீதுள்ள காதல் போய் உயிரில்லா பொருட்களின் மீது காதல் வந்தது தான் வருத்தப்பட வேண்டிய விஷயம் , இதை நம்மில் உள்ள சில கண்ணன்கள் உணர வேண்டும்


Monday, October 25, 2010

ரோஜா - பௌலோ கோல்கோவின் குட்டிகதை - 8


ரீங்காரம் , சுகந்தம் , தென்றல் , குளிர் ஓடை இவையனைத்தும் காதலனுக்காக காத்திருந்த அந்த ரோஜாவை வைத்த கண் வாங்காமல் பார்ப்பது போல் ஒரு பிரமை தோன்றியது .
இவள் நேற்று காலையே பூத்து விட்டாள் , இன்று கூட அவன் வரவிற்காக , இதழ்களை உரித்தாள் , செவ்விதழ்களை அவிழ்த்தாள். அவனோ சோலை முழுதும் சுற்றி சுற்றி போதை தளைக்கேற இவளை மட்டும் கடந்து சென்றான் . இவளின் காதல் கணம் தங்காது , தண்டு உடைந்தது , ரோஜா தரையில் விழுந்தது .
என்னை சுற்றி கோடி வண்டுகள் சுற்றி கொண்டுதான் இருக்கின்றன , என்னை முத்தமிடும் அவனும் இதற்குள்தான் இருக்கிறான் என நினைத்த வண்டு ஆவலுடன் வானம் பார்த்தது ,மேலும் ஒரு நாள் , ஒரு இரவு கடத்தியது .

" பகலவன் வருகிறான் எழுந்திரு என் தோழி " என முகத்தில் நீர் தெளித்து போனான் பனித்துளி நண்பன்
மீண்டும் இன்று மடல் விரித்த ரோஜாவைப்பார்த்த , அவள் தோழி ஒருத்தி

" உனக்கு சோர்வாக இல்லையா தேவி ? " என்றாள்
" இல்லை , மாறாக நான் உற்சாகமாக உள்ளேன் , போராட்டத்தை தொடர்வதற்கு " என்றாள் காதலரசி
" ஏன் தேவி ?" விளக்கம் கேட்டாள் தோழி
" அவனுக்காக காத்திருப்பதை மறக்கும் பட்சத்தில் , நான் பிறந்த நாளிலேயே வாடியிருப்பேன் "

சில நாள் ரோஜா , நினைவுகளை மந்திரமாக்கி இறந்த போதும் ஜனிக்கிறது ,
பல நாள் ஜனிக்கும் மனிதா ...................................................................................

மனதில் நின்றவர் - 1 ராபர்ட் ப்ரோஸ்ட்



வங்கி என்பது நல்ல சூழ்நிலையில் ஒரு குடையை கொடுத்து ,மழைக்காலத்தில் திரும்ப பிடுங்கும் நிறுவனம்

நல்ல அறிவாளி என்பவன் ,பெண்ணின் பிறந்த நாளை ஞாபகம் வைத்து கொள்பவன் வயதை அல்ல


நான் குழப்பத்தில் திரிபவன் அல்ல , ஆனால் குழப்பும் விசயங்களின் கலவை

உன் வசதிக்கேற்ப சமுதாயம் அமையும் பட்சத்தில் , அதனை சுதந்திரம் என்றழைப்பாய்

கவிதை என்பது மொழிப்பெயர்ப்பில் செத்து போவது


இரண்டு வழிகள், என் முன்னே
யாரும் செல்ல பயந்த வழியை தேர்ந்தெடுத்தேன் ,
அந்த வழிதான் இன்று என்னை உன் வரையில் கொண்டு சேர்த்துள்ளது

ராபர்ட் ப்ரோஸ்ட் , 1874 ல் அமெரிக்காவில் பிறந்த கவிஞர் . உலக புகழ் பெற்ற " தி ரோட் நாட் டெக்கன் " என்ற கவிதை தொகுப்பு இவரை புகழின் உச்சாணிக்கு கொண்டு சென்றது

Wednesday, October 20, 2010

தாழ்த்தப்பட்டவள்



என்னுடன் நான் பேசிக்கொள்ள ,
நானும் நானும் மட்டுமே இருக்கும் தருணங்களை
உருவாக்கி தந்தவள் நீ ,

உனை நினைத்த போதெல்லாம் , நான் ஓடுகிறேன்
உண்மையான உந்து சக்தி நீ ,

எனை நீ தழுவிய போதெல்லாம் , அழுகையும் , கோபமும்
அழையா விருந்தாளிகள்

நீ காரணங்களின் தாய் , உள்மனம் நீ வந்ததன் காரணங்களை ஆராய்ந்து ஆராய்ந்து உன்னை மறந்து விடுகிறது

உன் வரவால் , நான் நண்பர்களாய் நினைத்த சிலர் விலகுகிறார்கள் ,
எனை நண்பனாக நினைத்தவர்கள் நெருங்குகிறார்கள்

கசப்பு இனிப்பை இனிப்பாக்கி கசந்துகொண்டிருக்கிறது .

நீயும் வெற்றியை வெற்றிபெறச்செய்ய தோல்வி அடைந்து கொண்டிருக்கிறாய்

தோல்வி எனும் தோழியே

Tuesday, October 19, 2010

ஹிட்லர் - ஈழம் - தெலுங்கானா


எந்த விதத்திலும் ஹிட்லர் செய்த கொலைகளை நியாயப்படுத்த இக்கட்டுரையை எழுதவில்லை . இரண்டு லட்ச யூதர்களை கொடூரமாக கொன்றார் ஹிட்லர் என்ற ஒரு விஷயம் தவிர நமக்கு என்ன தெரியும் . வரலாறு வெள்ளைக்காரனால் எழுதப்பட்டது , இந்தியாவின் வரலாறோ வெள்ளைக்காரன் மட்டுமல்லாது பார்ப்பானால் பார்த்து பார்த்து எழுதப்பட்டது.
ஹிடலர் யூதர்களை கொன்றான் , நல்லது, ஹிட்லர் மட்டுமே இரண்டு லட்சம் பேரை கொள்வது சாத்தியமல்ல , ஜெர்மன் மக்களும் ராணுவமும் சேர்ந்து தான் இப்பாவ காரியத்தை செய்தது , அவர்களும் மனிதர்களே , ஏன் அப்படி செய்தார்கள் , எது அவர்களை தூண்டியது , ஹிட்லர் என்பவன் சொல்ல நினைத்ததை சொன்னவன் , உண்மையான தேச பக்தியும் , நாட்டு பற்றும் கொண்டவன் , சோசலிசவாதிஎன் நாடு தரணி ஆள வேண்டும் என நினைப்பது ஒரு வகையில் பண்டைய தமிழனின் குணம்தானே

ஏன் யூதர்கள் கொல்லப்பட்டார்கள் என்று விவரிக்க நாம் முதல் உலகப்போருக்கு செல்லவேண்டும் ,ஜெர்மனியின் அணியில் இருந்துகொண்டு இங்கிலாந்தை எதிர்த்த யூதர்கள் மனதில் ஒரு காழ்ப்புணர்ச்சி இருந்தது , தம்மை துரத்தியடித்த சோவியத்தை ஆதரித்த இங்கிலாந்துக்கு ஒரு போதும் துணை போக மாட்டோம் என்று அறிவித்த யூதர்கள் , அகதிகளாகிய தம்மை ஜெர்மனி இடம் கொடுத்து ஆதரித்ததால் ஜெர்மனியின் அணியில் நிற்பதாக கூறியது , யூத வங்கிகளோ அல்லது செல்வந்தர்களோ போருக்கு ஒரு அனா காசு கூட தர முடியாது என்று முழங்கினர் . போரின் போக்கு மாறுவதை பார்த்து பாலஸ்தீனத்தை தமக்கு தரும் பட்சத்தில் அமெரிக்காவை போரில் இணைப்பது மற்றும் தமக்கு அடைக்கலம் அளித்த ஜெர்மனிக்கு எதிராக வேலை செய்வது என்ற ரகசிய ஒப்பந்தத்தை இங்கிலாந்துடன் செய்ததுதான் யூதர்களின் பார்ப்பனிய செயல் . விளைவாக அமெரிக்கா போரில் இறங்கியது , ஜெர்மனி பல லட்சம் வீரர்களை இழந்தது , வாழ வந்தவர்களை நம்பி மோசம் போனதில் நமக்கெல்லாம் முன்னோடி ஜெர்மனி , யூதர்களும் சிங்களர்களும் இந்த வகையில் ஒன்றுபடுகிறார்கள் .
ஜெர்மானியர்களும் , தமிழர்களும் இந்த வகையில் ஒரே மாதிரிதான் , தான் ஆதரித்த அகதிகளே தம்மை ஆள நினைத்த போதும் , துரோகத்தால் பல லட்ச ஜெர்மானியர் செத்த போதும் கூட அமைதி காத்தனர், ஆனால் பிழைக்க வந்த யூதர்கள் , நல்ல வருமானத்துடனும் , செல்வா செழிப்புடனும் வாழ , ஜெர்மானியர்கள் வறுமையில் வாடினர் , இன்று நடக்கும் தெலுங்கானா பிரச்சினை போல.

வந்தான் ஹிட்லர் , போராடும் குணம் கொண்ட ஹிட்லருக்கு ,அடிமை வாழ்வு அறவே பிடிக்கவில்லை , என் நாட்டிற்க்கு வந்து , எம்மை சிறுபான்மையர் ஆக்கி , எம் நாட்டையே சதி செய்து வீழ்த்திய உம்மை , உடல் புழு பிடித்து நாறும் வரை தூக்கிலிடுவேன் என்று ஆக்ரோசித்தான் .

தான் வரைந்த ஓவியங்களை தகுதியற்றது என்று அறிவித்தமயாலும், தன்னுடைய காதலி தன்னை ஏமாற்றி பணக்கார யூதனை மனம் செய்துகொண்டதாலும் , தன்னுடைய அப்பா யூதர்களின் அடிமையாக வாழ்ந்ததாலும்தான் ஹிட்லர் யூதர்களை வெறுத்ததாக வெள்ளைக்காரன் எழுதிய வரலாறு கூறினாலும் , உண்மை அதுவன்று
ஒரு பதிவர்(http://www.envazhi.com/?tag=%E0%AE%B9%E0%AE%BF%E0%AE%9F%E0%AF%8D%E0%AE%B2%E0%AE%B0%E0%AF%8D ), அவர் இட்டிருந்த ஒரு இடுகை எனக்கு வருத்தமளித்தது , ராஜபக்சே வும் ஹிட்லரும் ஒன்றா , சிறுபான்மை தமிழர்களால் வந்த அச்சுறுத்தலில் ராஜபக்சே ஹிட்லரை போன்று தமிழர்களை கொன்றாராம் , என்ன ஒரு ஒப்பீடு , யூதனும் தமிழனும் ஒன்றா ? வரலாறு தெரியவேண்டாமா , ஈழத்தை பொறுத்த வரியில் பிழைக்க வந்தது சிங்களர்களே ஒழிய தமிழர்கள் அல்லவே

நம் அனைவருக்கும் உள்ள ஒரு ஒற்றுமை அடிமைத்தனம் , காந்தி என்ற ஒரு சந்தர்ப்பவாதி 1918 இல் கப்பல் புரட்சியால் கிடைக்கவேண்டிய விடுதலையை , 1947 இல் தருவித்தான் , தன் சுய நலத்திற்க்காக ., ஆனால் இன்று வரை கப்பல் புரட்சி பற்றி யாரும் பேசுவதில்லை , அதை கெடுத்த காந்தியோ தேசத்தந்தை
அந்நாளிலேயே வெளிநாடு சென்று படித்த காந்தி , நேரு போன்ற பண முதலைகள் தியாகிகள்
ஆண்டாண்டு காலமாய் ஆளும் இந்த காந்தி வம்சத்தின் கதை தெரியுமா , நேருவின் புதல்வியை இங்கிலாந்து மசூதியில் வைத்து மணந்த மணாளன் பெரோஸ் கான் , கேள்விப்பட்ட கரம் சந்த காந்தி நேருவை அழைத்து கான் என்பதை காந்தி ஆக்கும்படி யோசனை கூறினார் , அதன்படி நமக்கு வரலாற்றில் கூறப்பட்ட இந்திராவின் கணவன் பெயர் பெரோஸ் காந்தி , இவர்களுக்கு பிறந்த ராஜீவ் காந்தியோ இத்தாலி பெண் மீது மோகம் கொண்டு தனது பெயரை ராபர்ட்டோ என்றும் பிறந்த பிள்ளைகளுக்கு பினாக்கா , ராவுல் என்றும் பெயர் சூட்டி மகிழந்தனர் , நாமோ பிரியங்கா , ராகுல் காந்தி என்று கூறிக்கொள்கிறோம் . இத்தகைய கேவலமானவர்களை நம்பி காலம் தள்ளும் நம்மால் எப்படி ஈழத்தமிழர்களை பற்றி சிந்திக்க இயலும். போதாக்குறைக்கு ஹிட்லரையும் ராஜபக்சேவையும் ஒப்பிட்டு நமது இரங்கலை தெரிவித்துக்கொள்கிறோம் . ஹிட்லரை இகழும் எவனும் சரித்திரம் அறியாதவன் . அடிமையாக்கிய வெள்ளையரிடமே ஆட்சியை ஒப்படைக்கும் அரைவேக்காடு இந்தியரை போல் அன்றி எனக்கு துரோகம் செய்தவரின் கருவருப்பேன் என்று முழங்கியவன் ஹிட்லர்
ஹிட்லர் செய்த நல்லவற்றை அறிவோமா நாம் , இன்றும் அழியாத சாலைகளை (ஆட்டோபான் )இட்டவன் , உலகில் முதல் முறையாக விலங்கு வதை சட்டம் கொண்டு வந்தவன் , விபச்சார தடுப்பு சட்டம் கொண்டு வந்தவன் , முதியோர் ஜீவனாம்சம் வழங்கியவன் , முதல் உலகப்போரில் செத்திருந்த ஜெர்மனியை மூன்றே ஆண்டுகளில் தூக்கி நிறுத்தியவன் , வாழ்நாள் முழுதும் அசைவம் சாப்பிடாதவன் இன்னும் எத்தனையோ உள்ளன!
இன்று வளர்ந்த நாடுகளில் ஒன்றான ஜெர்மனி போல் இந்தியாவும் ஆயிருக்கலாம் , ஹிட்லர் பாணியில் வெள்ளைக்காரர்களை கொன்று குவித்திருந்தால் , நாமோ நம் சகோதரர்களையே மத அடிப்படையில் கொன்று , வெள்ளைக்காரனுக்கு சலாமடித்தே வாழ பழகிவிட்டோமே




Monday, October 18, 2010

இலவச திட்டு - பௌலோ கோல்கோவின் குட்டி கதை - 7


அவன் முரட்டுதனமானவன் , முன்கோபி , அவமதிக்கப்படும் பட்சத்தில் கொலையும் செய்ய துணிபவன் . ஆனால் அவன் அம்மா அவனை நினைத்து கவலையுற்றாள். அவனை கட்டாயப்படுத்தி ஒரு துறவியிடம் அழைத்துச்சென்றாள் , தன் மகனை பற்றி அவருக்கு விளக்கி கூறி , அவனை நல்வழி படுத்துமாறு வேண்டி கொண்டாள். சிறிது நேரம் யோசித்த துறவி , அவனை அழைத்து " தம்பி , இன்று முதல் இன்னும் ஒரு வருடம் , உன்னை அவமானப்படுத்தும் அல்லது உன்னை அசிங்கப்படுத்தும் ஒவ்வொருவருக்கும் ஒரு பத்து ரூபாய் தாளை நீ உடனே கொடுத்து விட வேண்டும் " என்று சொல்லி அனுப்பி வைத்தார் .

அவனும் அதற்க்கு சம்மதித்து தன்னை வருத்தும் ஒவ்வொருவருக்கும் ஒரு பத்து ரூபாய் தாளை கொடுத்து வந்தான் . ஒரு வருடம் ஓடியது , அடுத்து என்ன செய்ய வேண்டும் என்று தெரிந்து கொள்ள அந்த துறவியை சந்திக்க மீண்டும் வந்தான் அவன் .


" தம்பி , ஊருக்குள் சென்று எனக்கு சாப்பிட ஏதேனும் வாங்கி வா" என்று அவனை அனுப்பிவிட்டு , ஒரு பிச்சைக்காரன் போல் வேடமணிந்து அவனை எதிபார்த்து வழியில் நின்றார் துறவி . அவன் திரும்பி வந்த போது , அவனை திட்டியும் , பரிகாசம் செய்தும் அவமதித்தார் பிச்சைக்காரன் வேடமணிந்த துறவி . " நல்ல வேளை " முணுமுணுத்தான் அவன் " கடந்த முழு வருடமும் , காசு கொடுத்து அவமானப்பட்டேன் , இன்று முதல் அவமதிப்பும் , திட்டுக்களும் இலவசமாகவே கிடைக்கும் " பெருமூச்சுடன் கூறினான் . வேஷத்தை களைத்த துறவி " எவன் ஒருவன் தனக்கு நேரும் அவமானங்களை இலவச உந்துதலாக நினைக்கிறானோ , அவன் வெற்றி பாதையில் செல்லுகிறான் என்று பொருள் " என முடித்தார்

Saturday, October 16, 2010

தவளை மனிதன் - பௌலோ கொள்கொவின் குட்டிகதை - 6


தன் மகன் எதையுமே தெளிவாக செய்வதில்லை , எதிலும் மெத்தனம் , எந்த ஒரு விசயத்தையும் நாளை பார்க்கலாம் என்ற எண்ணம் கொண்டவனாக இருக்கிறான் , இந்த சோம்பேறித்தனம் அவனை எங்கு கொண்டு செல்லுமோ என்று குழம்பி இருந்தார் ஒரு தந்தை . மலை மேல் இருக்கும் ஒரு முதியவர் எதையும் செய்யும் வல்லமை படைத்தவர் என்று கேள்வி பட்டு, அவரை தரிசித்து வரும்படி மகனாய் அனுப்பிவைத்தார் .
மகனும் அப்பா சொல்படி முதியவரை சந்தித்தான் . முதியவரோ அவனிடம் இரண்டு தவளைகளை பிடித்து வரும்படி கட்டளை இட்டார் . அவனும் அவ்வண்ணமே இரண்டு தவளைகளை பிடித்து முதியவரிடம் கொடுத்தான் . இரண்டு தண்ணீர் குடங்களில் அந்த தவளைகளை போட்டு வைத்தார் முதியவர் .பின்னர் ஒரு குடத்தை அடுப்பில் வைத்து தீ மூட்டினார் . இப்போது அந்த இளைஞனை பார்த்து "தம்பி தண்ணீரை தொட்டு பார் " என்று வினவினார்
"தண்ணீர் மிதமான சூட்டில் உள்ளதய்யா " என்றான் அவன் ,

"தவளை என்ன செய்கிறது ?" என்று கேட்டார் .

"தவளை நீந்தி விளையாடுகிறது அய்யா " என்றான் அவன் .

சிறிது நேரம் கழித்து அதே கேள்வியை கேட்டார் பெரியவர் , அவனும் பதில் கொடுத்து கொண்டே இருந்தான் . முடிவில் தண்ணீர் கொதித்தது , தவளை செத்து மிதந்தது .

" தம்பி ! நம்மை சுற்றி நடக்கும் , நம் மீது திணிக்கப்படும் சில விஷயங்கள் பழகிபோய்விடுகிறது , எனவே இன்று நடக்கும் ஒரு பிரச்சினை உன்னை பாதிப்பதில்லை , நேற்றைய பிரச்சினையை விட கொஞ்சம் பெரியது என்று தான் நமக்கு தோன்றும் இந்த தண்ணீர் சூடாவது போல் , நீ செய்யவேண்டிய காரியங்களை தள்ளி தள்ளி போட்டால் , கொஞ்சம் வேப்பம்தானே என்று தவ்வுவதை தள்ளி போட்ட இந்த தவளை போல செத்து மிதக்க "வேண்டியிருக்கும் "என்று கூறி இன்னொரு பானையில் இருந்த தவளையை எடுத்து கொதிக்கும் நீரில் போட்டார் , அது உடனே தவ்வி ஓடி பிழைத்தது . இப்போது அந்த இளைஞனின் முகத்தில் ஒரு தெளிவு பிறந்ததை பார்க்கமுடிந்தது

ராவடி குமாரு - 1


"குரூப்பா வந்திருந்தா ஏதாவது தண்ணி கிண்ணி போட்டுட்டே போயிருக்கலாம்" உள்ளுக்குள்ள லைட்டா எச்சி ஊரத்தான் செய்யுது .
நானும் என்னோட பிரண்டும் கோவா போயிட்டு வந்திட்டுரிக்கோம் , பெல்காம் டேசன்ல வண்டிய புடிச்சோம் , செகண்ட் ஏ சி ங்க , கொஞ்ச நேரத்திலேயே கடுப்பாக ஆரம்பிச்சிருச்சி, இருபத்தி நாலு மணிநேரம் எப்பிடிரா ஓட்டுறதுன்னு யோசிச்சப்ப , சொல்லிவச்சாப்ள வேணுகோபால் ஒருத்தரு நம்ம கோச்சுக்குள்ள ஏறுனாரு .

வேணுகோபால பத்தி உங்களுக்கு ஏற்கனவே சொல்லியிருக்கேன் ,தெரியாதவங்க அத முதல்ல படிச்சுட்டு இங்க வாங்க.

பெல்காம்ல அடிக்கிற வெயிலுக்கு இருக்குறத அவுத்துபோடனும்னு தோணும் ஆனா நம்மாளு லெதர் ஜெர்கின் போட்டு , ஜீன்ஸ் டவுசரு போட்டு , காதுல ஐ போட மாட்டிட்டு வந்தாப்ல ,
பயபுள்ள வேணுகோபாலா இல்லாம யாரா இருக்கமுடியும் . நேர வந்து என் முன்னாடியே உக்காந்தாரு , சரிதான் இன்னைக்கு நமக்கு ஒரு அடிமை சிக்கிட்டான் , நமக்கு டைம் பாஸ் ஆகும்டே ன்னு நெனைச்சுக்கிட்டேன் .

எம் பேரு குமாருங்க , பிரெண்ட்ஸ் எல்லாம் ராவடி குமாருன்னுதான் கூப்பிடுவாங்க , நமக்கு கொஞ்சம் வாய் ஜாஸ்தி,வாழ்க்கைய தள்ளிட்ருக்கவைங்க நடுவுல நான் வாழ்ற ஜாதிங்க.இப்பகூட நான் வாழறதுக்கு ரெடி ஆயிட்டேனுங்க .
நம்மாளு இப்ப ஏற இறங்க பாத்துட்டு ஏதோ ஒரு புரியாத பாட்ட முனங்கிகிட்டு இருந்தாரு , பேச வைக்குனுமே , என்ன செய்யுறது ,ம்ம் , ரைட்டு , எதாச்சும் இங்க்லீசு புக்க எடுத்தா, வேதாளம் தானா இறங்கபோகுது .நம்ம கூட வந்தவரிட்ட இருந்து ஒரு இங்கிலீசு புக வாங்கி சீரியசா படிக்க ( பாக்க ) ஆரம்பிச்சேன் . இதுக்குள்ள நம்மாளு லக்கேஜ சரி பண்ண எனக்கு முன்னாடி அவரு பின்னாடி தெரிய குனிஞ்சாறு , போட்டிருந்த செவப்பு கலரு ஜட்டி பட்டை தெரிஞ்சது , என்ன கருமண்டா சாமி . உள்ள போடுற ஐட்டத்த வெளிய காட்டுறது என்னடா பேசன்? ஆத்தா பாத்துகிட்டே இருக்கியே , இவிங்களுக்கெல்லாம் கால் போடவே மாட்டியா ?

அத விடுங்க இப்ப நம்மாளு , ஜெர்கின கழட்டி வச்சுடாப்ள, ஏ சி ல தீயா வேகும்போல ! அப்படியே நம்ம சைடு ஒரு லுக்கு விட்டாரு ,பசு வெறிக்குது ! ம்ம்ம் . நானும் ரொம்ப டீசன்டான ஆளுமாதிரி கால் மேல காலு போட்டு ஒரு புரபசனல் லுக்கு விட்டேன் . மீனு மாட்டிக்கிச்சு !


" ஹாய் , ஆம் யக்னேஷ் " னு கையை கொடுத்தாரு , நானும் " ஹல்லோ , ஆம் குமார் " கையை வாங்கிகிட்டேன் . "இட் இஸ் டூ ஹாட் நா, இந்தியன் ரயில்வே இப்பிடித்தான், ஒரு டிசிப்ளின் இருக்காது , புல்லா கரப்சன்" என்று நெனச்ச மானிக்கே சொன்னாப்ல.


"இந்த பேக் நல்ல இருக்கு , டேகுர் பிராண்டு தானா ?" ன்னு கேட்டுகிட்டே பேக்க கையில எடுத்தாரு, "இந்த டைப் பேக் எனக்கு ஸ்டேட்ஸ் ல கூட கெடைக்கல" ( அவரு ஸ்டேட்ஸ் ல இருந்தாருன்னு பீத்திக்கிராப்ள ) , நான் உடனே , "ஆக்சுவலா நான் இதை ஸ்காட்லாந்தில் வாங்கினேன்" ன்னு அவுத்துவிட்டேன், ஆளு கொஞ்சம் நிமுந்து ஒக்காந்தாரு , நாங்களும் படிச்சிருக்கொம்டே , பேசுவோம்ல , இங்கிலீஷ் இஸ் எ பண்ணி லாங்குவேஜ் , எவென் இலுத்துபேசினாலும் நல்லாத்தாம்டே இருக்கும் , இங்கிலிஷ நாலேஜ் ன்னு சொல்லி நம்மாளுகதான் அதை அறிவாக்கிட்டானுவ, தமிழு மொழியாம் , ஆங்கிலம் அறிவாம் !

" அப்புறம் , பாட்டு கேக்கிறீங்களா " ஐ போட எடுத்து கொடுத்தாரு ,
"எனக்கு பிடிச்சதெல்லாம் உங்ககிட்ட இருக்க வாய்ப்பில்ல , எனக்கு மார்டின் கோர்செசே வோட இசைன்னா ரொம்ப இஷ்டம் " அடுத்த அடி , இடி மாரில்ல இறக்குனேன் , அண்ணாச்சிக்கு புரியலைன்னாலும் , "ஆங் ! நானும் கேட்டுரிக்கேன் , மனச பிலிஞ்சிருவாரிள்ள" அப்டீன்னாரு பாருங்க , என்கூட பிரண்டு தெறிச்சு பாத்ரூம் பக்கமா ஓடிட்டாரு , சிரிப்பா அடக்கமுடியாமத்தான் , பின்ன என்ன ,நான்தான் பெரிய பேமஸ் ஹாலிவூட் சினிமா இயக்குனர் பேர , இசை அமைப்பாலர்னு டூப் விட்டா , நம்மாளு அதையும் ஜிங்கடிக்காரில்ல
" சார் , நீங்க சாப்ட்வேர்ல வொர்க் பண்றீங்களா " அடுத்த கேள்வி , வெளி நாட்டுல இருந்தேன்னு சொன்னாலே சாப்ட்வேருதானா!
"யா , ஆம் எ சாப்ட்வேர் புரபெசனல் " ன்னு போட்டு விட்டேன் , ஆனா பாருங்க நமக்கு கம்பியூட்டர்ல படம் மட்டுதானுங்க பாக்க தெரியும்
" எந்த பிளாட்பார்ம்ல இருக்கீங்க " மடக்கி கேட்டாரு, விடுவேனா , எத்தனை வேனுகோபால்களை பாத்துருக்கேன் , பேசியிருக்கேன் ,

" சொன்னா புரியுமா " இது நானு ,
" நானும் சொப்ட்வேர் தான் , சொல்லுங்க எனக்கு புரியும் " இது அவரு

" இட் இஸ் ஆண்டிரயிடு டேவலோப்மன்ட் வித் தி ஹெல்ப் ஆப் லை நக்ஸ் அண்ட் டாட் நெட் பிரேம் வொர்க் கம்பைன்ட் வித் ஜாவா " சோக்கா சொன்னேன் பாத்தீங்களா , எத்தனை வேனுகொபால்களோட பழகியிருக்கேன் , பேசியிருக்கேன் ,இதைதானடா எங்க முன்னாடி கேப் உடாம ஒப்பிக்கீறீங்க , ஒங்க பிட்ட ஒங்களுக்கே போட்டோம்ல !


பையன் அசந்துட்டாரு , நான்கூட எங்க கண்டு புடிச்சுருவானோ ன்னு கொஞ்சம் பயந்தேன் , ஆனா நம்ம டைமிங் மிஸ் ஆகல .


" சார் , நீங்க என்னவா இருக்கீங்க , எந்த கொம்பனி சார் " பவ்யமா கேட்டாரு


" நான் கன்சல்டன்ட்டா இருக்கேன்.அதனால் ஒரே நேரத்துல பல கம்பெனியில வொர்க் பண்ண முடியுது " சிரிக்காமல் சொன்னேன்


கொஞ்சம் நேரம் அமைதியா இருந்த நம்மாளு , அப்புறம் மறுபடியும் ஸ்டார்ட் பண்ணாரு " சாப்டறீங்களா , பாஸ்தா வச்சுருக்கேன் " பாஸ்தா என்ன உங்க தேசிய உணவா , எப்ப பாரு பாஸ்தா , பிட்சா ன்னு கொஞ்சமாவது திருந்துங்கடே ன்னு நெனைச்சுகிட்டேன்


" லாஸ்ட் டைம் , சுவிஸ் ல ஒரு டிஷ் சாப்பிட்டேன் , சிக்கனை நெயில போட்டு தேனுல பெரட்டி சாறு பிழிஞ்சி அத இடாலியன் பிரெட்ல போட்டு டோஸ்ட் பண்ணி கொடுத்தாங்க ,என்னா டேஸ்ட்டு ,அதக்கப்பரம் இந்த பாஸ்தா , பிட்சா எல்லாம் வெருத்துபோச்சு " ன்னு முடிச்சேன் ,

தம்பி டக்குன்னு ஒரு கேள்வி கேட்டாப்ள " அந்த டிஷ் பேரு என்ன சார் " , நானும் அதே ஸ்பீடுல "உண்ட்ராலு" ( என் பாட்டி செஞ்சு தர்ற ஒரு கிராமத்து இனிப்பு பேரு இது ) ன்னு சொன்னேன் , அதை அப்பிடியே டச் பேடு மொபைல் போன்ல போட்டு வச்சுட்டாரு, சத்தியமா அது அவருக்கு கெடைக்காது , கெடைக்காட்டலும் இது இந்தியாவுல கெடைக்காதுன்னு தான் நெனைப்பாரு.
அப்புறம் அவரு ஏன் ரயில்ல வந்தாரு , எதுக்கு ப்ளைட்ட்ல வரல , இன்னைக்கு தேதியில எவ்வளவு வைரஸ் பரவிட்டு இருக்கு , H1 NI மாறி H3N3 வைரஸ் இருக்குன்னு நாள் பூர காமடி பண்ணிட்டே வந்தோம்
இப்படியே நல்ல டைம் பாஸ் ஆச்சு , ஒரு வட்டத்த போட்டு ஒக்காந்தா இப்பிடித்தான் ஆகும் , கொஞ்சம் யோசிச்சு , பட்டணத்து மயக்கத்த தள்ளி வச்சு , எம் என் சி காரன் நம்மள எப்பிடி பகட்ட காட்டி
செம்மறியாடு ஆக்குதான்றத யோசிச்சா நாம இப்பிடி ஏமாருவமா

தம்பி அவரோட சிவி யை என்கிட்டே கொடுத்து அவருக்கு என்னோட டீம்ல வேலை தரச்சொல்லிட்டு போறாரு , என்னதான் வெளையாடுனாலும் , ஏதோ ஒரு ஓரத்துல நம்மாளுகள நெனைச்சி சின்ன வருத்தம் வரத்தான் செய்யிது

Tuesday, October 12, 2010

செங்கிஸ்கானின் பருந்து - பௌலோ கோல்கோவின் குட்டி கதை - 5


செங்கிஸ்கான் , உலகையே ஆட்டுவித்த மங்கோலிய அரசன்,மிக சிறந்த வீரன் . ஒரு முறை தன் பரிவாரங்களுடன் காட்டு வழியே சென்று கொண்டிருந்தான் . அப்போது அவனுக்கு வேட்டையாடும் ஆசை ஏற்பட்டது மேலும் வேட்டையாடியவற்றை தன் வீரர்களுக்கு உணவாக கொடுக்கலாம் என்ற எண்ணமும் ஏற்பட்டதால் , சில குதிரை வீரர்களை அழைத்துக்கொண்டு அடர்ந்த காட்டுக்குள் நுழைந்தான். வெகு நேரம் திரிந்தும் அவ்வீரர்களுக்கு எதுவுமே கிடைத்த பாடில்லை. பசியும் தாகமும் வாட்ட ஆரம்பித்தது . வெறும் கையுடன் திரும்புவதில் மன்னனுக்கு இஷ்டமில்லை . எனவே வீரர்களை திரும்ப அனுப்பிவிட்டு தான் மட்டும் காட்டுக்குள் சுற்றிகொண்டிருந்தான். நேரம் ஆக ஆக தாங்கமுடியாத தாகம் வாட்டியது . எனவே ஏதாவது நீர் நிலைகள் தென்படுகிறதா என்று தேட ஆரம்பித்தான் செங்கிஸ்கான் .
செங்கிஸ்கானை பொருத்தமட்டில் எப்போதுமே ஒரு பருந்து அவனிடம் இருந்து வந்தது . அந்த பருந்தை தன் நண்பனாகவே பாவித்து வந்தான் . பல போர்களங்களில் , திக்கு தெரியாத காடுகளில் ,இந்த பருந்து ஒரு வழிகாட்டியாக உதவி செய்து வந்தது . அதனால் சக்கரவர்த்தியின் தோளோடு இருக்கும் பாக்கியம் அந்த பறவைக்கு வாய்த்திருந்தது.
நெடுநேர தேடுதலுக்கு பிறகு , ஒரு பாறையின் இடுக்கு வழியே சிறிது சிறிதாக தண்ணீர் கசிவதை பார்த்தான் செங்கிஸ்கான் . உடனே தன் இடுப்புபையில் வைத்திருக்கும் ஒரு வெள்ளி குவளையை எடுத்து ஒழுகும் தண்ணீரை பிடித்தான் .குவளை நிறைந்தவுடன் அதை குடிப்பதற்காக கையில் ஏந்தினான் . ஐயோ பரிதாபம், ஓடி வந்த பருந்து அவன் மீது அமரும் முயற்ச்சியில் தண்ணீரை கொட்டிவிட்டது . அடக்கமுடியாத கோபம் வந்தாலும் , அடக்கிக்கொண்டு மறுபடியும் சொட்டு சொட்டாக விழும் நீரை பிடிக்க ஆரம்பித்தான் . இம்முறை அதை குடிக்க முயலும் போது மீண்டும் அந்த பருந்து அவனுடன் விளையாட ஆரம்பித்தது , முடிவில் தண்ணீர் கீழே கொட்டியது . என்னதான் இருந்தாலும் ஒரு பறவை தன்னுடைய அவசரம் தெரியாமல் விளையாடுவதா ? இதை யாரேனும் பார்க்க நேரிடில் நாடாளும் மன்னன் ஒரு பறவையை சமாளிக்கமுடியாமல் திணறுவதை கண்டு சிரிக்கமாட்டார்களா ? கோபம் தளைக்கேற வாளை உருவினான் , இம்முறை தண்ணீரை பிடித்துக்கொண்டே பருந்தை கவனித்தான் , மீண்டும் குடிக்கும் நேரத்தில் பருந்து அவனை நோக்கி வந்தது , ஒரே வெட்டில் அதை இரண்டாக பிளந்தான் ஆனாலும் தண்ணீர் குவளை கீழே விழுந்ததது. பாறை வழியே வந்து கொண்டிருந்த தண்ணீரும் நின்றுவிட்டிருந்த நிலையில் அந்த பாறையின் மீது ஏறினால் தண்ணீர் கிடைக்குமென்று நினைத்து ஏறினான் .

அய்யகோ ! என்ன விபரீதம் !இந்த சின்ன நீர்குட்டையில் செத்து மிதப்பது பயங்கர விசமுள்ள நாகமல்லவா ! இதை குடித்திருந்தால் நான் அடுத்தகணமே மரணித்திருப்பேனே ! என்னை காப்பாற்ற அல்லவோ இந்த பருந்து தன் உயிரை விட்டிருக்கிறது ,அத்தகைய நண்பனையா நான் வெட்டி கொன்றேன் ! என்றெல்லாம் அவன் மனது பதறி அழுதது !

பருந்தின் உடலை கையில் எடுத்துகொண்டான் , அதை பொன்னால் வேய்ந்து தனது சிம்மாசனத்தின் மேல் வைத்து மிக பெரிய மரியாதை கொடுத்த செங்கிஸ்கான் , அதன் இரண்டு சிறகுகளிலும் பொன்னால் எழுதிய வாசகங்கள் வருமாறு

" கோபத்தில் எடுக்கப்படும் முடிவுகள் , எக்காலத்திலும் தோல்வியை மட்டுமே தருபவை "

" என்ன குற்றம் செய்தாலும் , என்ன துரோகம் இழைத்தாலும் ,நண்பன் என ஒருவனை நினைத்தபட்சத்தில் அவன் நண்பனாகவே தொடருவான் "

Friday, October 8, 2010

ஒரு கணம்


பச்சை விளக்கிற்காக காத்திருந்த நொடிகளில்
எதையோ எண்ணி நான் தொலைத்த ஒரு கணம் .- பதற்றம்

பாடம் கேட்டுகொண்டிருந்த வகுப்பறையில்
மனம் மாயமாகிவிடும் ஒரு கணம் - பயம்

நண்பனிடம் பேசிக்கொண்டே இருக்கையில்
நான் மறந்து விட்ட ஒரு கணம் - வெட்கம்

ரயிலில் பயணிக்கையில் ,கண்கள் திறந்துகொண்டு
எதிருள்ளவரை பார்த்துக்கொண்டு நிசப்தமான ஒரு கணம் - தூக்கம்

எவ்வளவோ யோசித்தும் புலப்படவில்லை ,
தொலைந்த கண்களில் நான் என்ன யோசித்தேனென்று

ஆனால் தொலையும் கணங்கள் இன்றும் தொடருகின்றன,

தொடரும் வாழ்வில் ஒரு வெற்றிடம் போல் , மலரும் தொலையும் சுக கணங்கள்

Thursday, October 7, 2010

விட்டில் பூச்சி - 1


காதல் வங்கியில் நான் வாங்கிய கடனிற்கு
வட்டியானாய் நீ !
கந்து வட்டியானது என் கனவுகள்
--------
எரிந்த பிணம் - எரியாத எலும்புகள்
பிரிந்த நீ - பிரியாத நினைவுகள்
-------
காதல் உனக்கு தொற்றுநோய் , எனக்கு தடுப்பூசி
------

காதல் என்பது நெருப்புதான்
நான் எப்படி விட்டில் பூச்சி ஆனேன்
------------------

Friday, October 1, 2010

இராமேஸ்வரம் - உண்டியும் உபன்யாசமும்



" பித்ரு தோசமிருக்கு , நீங்க உடனே ராமேஸ்வரம் போயிட்டு , ஒரு அய்யர புடிங்க , பண்ண வேண்டிய பூஜையெல்லாம் பண்ணிடுங்க ! இல்லேன்னா குடும்பத்துல நடக்கக்கூடாததெல்லாம் நடந்துரும் " தென்வடல்புதுத்தேருவில் நான்காம் சந்தில் ஒரு ரூம் எடுத்து தொழில் பார்க்கும் ஒரு பாரம்பரிய ஜோசியக்காரன் என் அம்மாவிடம் கூறியது . கேட்டதிலிருந்து ராமேஸ்வரம் போயி ஆகவேண்டும் என்று தொன தொனத்துக்கொண்டிருந்தால் அம்மா .
பெண் எடுத்தவர் பெண் கொடுத்தவர் என ஒரு குரூப்பாக கிளம்பினோம் . எதிர்பார்த்ததை விட மிக அழகாக இருந்தது கிழக்கு கடற்க்கரை சாலை . வேம்பார் , சாயல்குடி , ஏர்வாடி, கீழக்கரை,ராம்நாடு வழியாக வந்து சேர்ந்தோம் ராமேஸ்வரத்திற்கு.

முதல் முறை அலை இல்லா கடலை பார்க்கிறேன் . ஆர்ப்பரிக்கும் கடலை விட இந்த அமைதியான கடல் சற்று அதிகமாகவே பயம் தருகிறது .

கசாமுசா இந்தி பேசிக்கொண்டு நிறைய வடநாட்டவர்கள் காணப்பட்டனர். நான் கூட என் மனைவியிடம் வடநாட்டவர் பக்தியை மெச்சி கூறினேன் . அவளோ, பாவம் அதிகம் செய்பவர்கள்தானே இங்கு வருகிறார்கள் என்று சொல்லி யோசிக்கவைத்தாள்

பாவத்தை கழிக்க இங்கு வர வேண்டும் என்றால் , இங்கு வாழும் மக்கள் தினம் தினம் பாவம் கழிக்கலாம் போலும் .இந்த இடத்தில் இந்திய அரசிற்கு ஒரு வேண்டுகோள் , பாவம் செய்யும் குற்றவாளிகளை இங்கு அனுப்பிவையுங்கள் அல்லது பாராளுமன்றத்தை ராமேஸ்வரத்திற்கு மாற்றிவிடுங்கள்

அப்படி ஏதும் நடந்தால் அரசு கஜானாவை காலியாக்கிவிடுவார்கள் இந்த தீட்சிதர்கள் . மூன்று மணி நேர பூஜைக்கு பத்தாயிரம் ரூபாய் என்றால் பாருங்களேன் . இந்நிலையில் ஏழை பாழைகள் ராமேஸ்வரம் வந்தால் என்ன செய்வார்களோ ! அது சரி அவர்கள் பாவம்தான் அன்றன்றே கண்ணீரில் கரைந்து விடுகிறதே !

கொள்ளை அடிக்கும் இந்த தீட்சிதர்களுக்கு வருமானவரி கிடையாதா ? ஊருக்கு சென்றவுடன் ஒரு மொட்டைக்கடுதாசி எழுதி போடவேண்டும்

பல நிறங்கள்,மொழிகள் ,கலாச்சாரங்கள் என்ற வேறுபாடு இருந்தாலும் , ரமேஸ்வரக்கடலை சாக்கடை ஆக்குவதில் இந்திய ஒருமைப்பாடை பார்க்கிறேன் . இவர்கள் கரைத்த அழுக்கின் கணம் தாங்காமல் தான் , கடல் தன் அலைக்கைகளை தூக்க முடியாமல் செத்து கிடக்கிறதோ ?

மூன்று மணி நேரம் , அவர் பேசினாரா , பாடினாரா ,திட்டினாரா அல்லது எச்சில் துப்பினாரா என்று ஊகிக்கமுடியவில்லை , ஆனால் அவர் மட்டும் மந்திரம் சொல்வதாக கூறிக்கொள்கிறார் .

" 108 முறை கடலில் முங்கிட்டு வாங்கோ ! துணிகளை கரையிலே கழட்டி விட்டுடுங்கோ ,அப்புறம் தீர்த்த கிணத்து ஜலத்துல குளிச்சுண்டு ஈஸ்வரனோட பிரகாரத்த சுத்தி வந்தேள்னா , உங்களோட தோஷம் நீங்கிடும் " வாங்கும் கொள்ளை பணத்தை தாம்பாளத்தட்டில் கொடுக்கவைத்து நல்ல பணமாக மாற்ற முயற்ச்சித்தார் தீட்சிதர் . போயா போ , உனக்கும் ஒரு நாள் ஆத்தா கால் போடுவா என்று பொருமிக்கொண்டேன் எனக்குள்

உடைகளை கடலில் எரிய எத்தனித்த போது , ஒரு ஈனக்குரல் காதில் கேட்டது " அய்யா அந்த துணிகளை எனக்கு கொடுத்திருங்க , உங்களுக்கு புண்ணியமாபோகும் ".

பாவம் கழிக்குமிடத்தில் , புண்ணியத்தை பற்றி பேசிய முதல் நபர் அந்த பெண்மணிதான் !
பகவத் கீதை , திருவள்ளுவர் , விவேகானந்தர் , எம் ஜி ஆர் மற்றும் ரஜினி சொல்லியபடி , என் தாய் சொல்லை தட்ட இயலாமல் , துணிகளை கடலில் விட்டெறிந்தேன் .

ஏதாவது பணம் கொடுத்திருக்கலாம் அந்த பெண் மணிக்கு , எனக்கு புண்ணியம் தரவிரும்பும் அவளை பாவியாக்க மனதில்லாமல் நகர்ந்தேன்

" இந்த 500 ரூ பாய , உண்டியலிலே போட்டுருடா ! "என்ற அம்மாவின் குரல் அடக்கிவைத்திருந்த என் ஆத்திரத்தை வெளியேற்றியது
" பாவத்தை கழிக்க அய்யருக்கு கமிசன் கொடுத்தீங்க , புண்ணியம் வாங்க கடவுளுக்கும் கமிசனா " என்றேன் சினிமா பாணியில்

அப்போது அங்கே தவக்கோலத்தில் இருந்த ஒரு நடுத்தர வயது சாமியார் திடுக்கிட்டு கண் விழித்தார் . முதலில் கோபத்துடன் பார்த்தவர் , பின் ஒரு வசீகர புன்னகையை தவழ விட்டு என்னை அழைத்தார் .

" கலியுகத்தில் சுயநலம் பெருகிக்கொண்டே வருகிறது ! கடலில் போடும் உடைகளை கூட மற்றவருக்கு கொடுக்க மறுக்கும் நீ , எவ்வளவு காதல் கொண்டிருப்பாய் காசின் மீது !
இறைவா ! உன் மீது எனக்கிருக்கும் பக்திக்கு முன் , இந்த காசு பணம் ஒரு பொருட்டல்ல , என்று உணர்ச்சி மேலிட நீ உண்டியில் இடும் பணம் எப்படி லஞ்சமாகும் ! உன் பணத்தாசையை மாற்றி , தான தர்மங்களை செய்ய தூண்டும் சூட்சமம் தான் உண்டியில் நீ இடும் படி " என்று முடித்தார் சாமியார் .

சம்மட்டியால் அடித்தது போல் ஒரு உண்மை தெளிவாக இறங்கியது என் தலையில் !
கண் மூடியது போல் இருந்தாலும் , என்னை நோட்டமிட்டு , அட்டகாசமான ஒரு போதனையை ,கேட்பவர் அழும் வகையில் சொல்கிறார் என்றால் ,,,இன்னும் 2 -3 வருடங்களில் இவர் ஒரு ஆசிரமத்தின் பீடாதிபதி ஆவார் என்ற உண்மை எனக்கு புரிந்தது .

இவனை மறுத்து பேசி ,நேரத்தை விரயம் செய்வதை விட , பாம்பன் பாலத்தில் நின்று புகைப்படங்கள் எடுக்கலாம் என்று தோன்றியதால் குடும்ப சகிதமாக அவனிடம் ஆசி வாங்கி புறப்பட்டோம்

Thursday, September 30, 2010

பௌலோ கோல்கோவின் குட்டி கதை - 4 - வண்ணத்து பூச்சி



அவன் மிகவும் இளகிய மனம் படைத்தவன் . யாருக்கும் உதவும் உள்ளம் கொண்டவன் .
அன்று வீட்டின் முற்றத்தில் மறந்து புத்தகம் படித்து கொண்டிருந்தான்
வீட்டு முன் தோட்டத்தில் உள்ள ரோஜா செடிகளை எதேச்சையாக பார்த்தபோது , ஒரு குட்டி வண்ணத்து பூச்சி அவன் கண்ணில் பட்டது . அந்த வண்ணத்து பூச்சி தனது கூட்டுப்புழு கூட்டிலிருந்து வெளி வர முடியாமல் தவித்துக்கொண்டிருந்தது.

இந்த சின்ன வண்ணத்து பூச்சிக்கு பறந்து வர எவ்வளவு ஆசை இருக்கும் என்று நினைத்த மாத்திரத்தில் அதற்கு உதவ நினைத்தான் . ஒரு கத்தரிகோளை எடுத்து வந்தான் , வண்ணத்து பூச்சிக்கு சுற்றி உள்ள கூட்டை ஆங்காங்கே வெட்டி விட்டான் . அவன் மனதில் ஒரு பரம ஆனந்தம் , வண்ணத்து பூச்சிக்கு விடுதலை அளித்ததற்காக !

நேரம் கடந்த்தது , ஆனால் வண்ணத்துபூச்சி வெளியே வந்த பாடில்லை ! சிறிது நேரத்தில் எறும்புகள் அதை மொற்றியது . வண்ணத்து பூச்சி இறந்து விட்டிருந்த்தது ! அவன் திகைத்து நின்றான் .

கூட்டுப்புழு கூட்டை உடைத்து வெளி வரும்போது வண்ணத்து பூச்சியின் சிறகுகளுக்கு பறப்பதற்கு தேவையான சக்தியும் சில சுரப்பிகளும் சுரக்கும் . அதற்க்கு உதவும் நோக்கத்தில் வெட்டி விடப்பட்ட கூடு , அதற்க்கு எமனாகி விட்டது !

1 . நமக்கு வரும் கஷ்டங்கள் , நம்மை வாழ்விப்பதற்காக கொடுக்கப்படும் பயிற்சி . அதனால் அதை ஏற்றுக்கொண்டு பயிலுவோம் , எனக்கு உதவ யாரும் இல்லை என்று நினைக்காதே , அந்த கஷ்டமே உனக்கு அளிக்கப்பட உதவி .

2 . பரிதாபம் கொண்டு பிச்சை இட்டு மானுட ஜாதியை கொல்லாதிர்கள் . உங்கள் உதவி இன்னொருவனை சோம்பேறி ஆக்கும் , நன்மைக்காக செய்யும் செயல் இந்த வண்ணத்து பூச்சிக்கு இழைத்த கொடுமையாகலாம் . உதவும் முன் யோசியுங்கள், உதவுவதற்கு அல்ல .

Tuesday, September 21, 2010

பௌலோ கோல்கோ வின் குட்டிகதை - 3 , ஓட்டை பானை



ஒரு வயதான முதியவர் , தன் குடும்பத்துடன் ஒரு கிராமத்து குடிசை வீட்டில் வாழ்ந்து வந்தார் .
தினமும் தன் குடும்ப தேவைக்காக அவர் ஊருக்கு வெளியே உள்ள குளத்தில் இருந்து தண்ணீர் எடுத்து வருவார் . அவரிடம் இரண்டு மண் பானைகள் உண்டு .இரண்டையும் ஒரு மரக்கட்டையில் இட வலமாக கட்டி தோளில் சுமந்து செல்வார் .
இதில் ஒரு பானை புதியது , நல்லா வேலைப்பாடுடன் செய்யப்பட்டது மேலும் உறுதியானது . மற்றொன்றோ மிக பழைய பானை , ஆங்காங்கே சிறு ஓட்டைகளுடன் நிறமிழந்து காணப்பட்டது .

புதிய பானையால் கிடைக்கும் தண்ணீரை விட பாதியளவே தன்னால் கொடுக்க முடிகிறது .பல வருட உழைப்பினால்தான் தன்னிடம் இத்தனை குறைகள் வந்தது , ஆயினும் தன்னால் தன் வேலையை சரிவர செய்யமுடியவில்லையே என்ற ஏக்கம் பிறந்தது
இதனால் அந்த பழைய பானைக்கு ஒரு தாழ்வு மனப்பான்மை ஏற்பட்டது .

ஒரு நாள் அந்த முதியவரிடம் , பழைய பானை விரக்தியுடன் பேச ஆரம்பித்தது
" அய்யா என்னை தயவுசெய்து மன்னியுங்கள் , பலவருட உழைப்பினால் ஏன் உடல் தேய்ந்து , என்னால் பாதி நீரைத்தான் தங்களுக்கும் தங்கள் குடும்பத்திற்கும் தர முடிகிறது . பாதி தாகம் மட்டுமே தணிக்க உதவும் இயலாமை என்னை வேதனைப்படவைக்கிறது " என்றது பானை

இதைக்கேட்ட பெரியவர் சிரித்தார் . பின் "இன்று நாம் வீடு திரும்பும் வழியை கவனமாக பார் ! "என்று கூறிவிட்டு வீடு நோக்கி நடந்தார் பானைகளை சுமந்தபடி
பானையும் அவ்வாறே செய்தது . அதனுடைய பக்கத்தில் மட்டும் செடி கொடிகள் பூக்களுடன் தென்பட்டது

" உன்னுடைய பக்கம் மட்டும் எவ்வளவு இயற்கை வளத்துடன் அழகாக உள்ளது பார்த்தாயா ?"

"எனக்கு தெரியும் உன்னில் ஓட்டை இருக்கிறதென்று , ஆனாலும் நீ உழைக்க தயாராக இருந்ததால் உன்னை வேறு வழியில் பயன்படுத்திக்கொண்டேன் !இன்று உன்னால், நான் நடந்து சென்று வரும் களைப்பு தெரிய வில்லை ,மலர்கள் வீட்டை அலங்கரிக்கின்றன , காய்கறிகள் சமையலுக்கு உதவு கின்றன ! இவையனைத்தும் நீ தண்ணீர் ஊற்றி வளர்த்தவை தானே, நீ உன்னைப்போல் இருப்பதால்தான் இவை அனைத்தும் நடந்தது " என்றார்

எனவே நாம் உழைக்கும் உழைப்பு தேடிய பலனான பணத்தை தராவிடிலும் , நல்லா நண்பர்கள், நல்ல குடும்பம் என ஏதோ ஒரு வகையில் உதவும் , ஒன்று மட்டும் மனிதில் வைக்க " உழைப்பிற்கு ஊனமோ , முதுமையோ ஒரு அளவுகோல் ஆகாது "

Wednesday, September 15, 2010

வீங்கியின் நாய்


கோயில் வாசலில் சின்னதொரு கூட்டம் , என்னவென்று எட்டிப்பார்த்தால் நாலு இளவட்டங்கள் வீங்கியை அடித்துக்கொண்டிருந்தனர் . நூறு சம்சாரிகள் வாழும் அழகாபுரம் கிராமத்தில் ஊருக்கு ஒதுக்குபுறமாக பத்து வீடுகள் உண்டு . முதலில் குடிசையாக இருந்தவை , இப்போது அரசு மானியத்தில் ஓட்டு வீடுகள் வேய்ந்திருக்கின்றனர். ஊர் கழிவுகளை அகற்றுவது , சுத்தம் செய்வது , மாடுகளை குளிப்பாட்டி சாணம் அள்ளுவது சில நேரங்களில் தோட்ட வேலை அல்லது பீடி சுற்றுவது போன்ற சம்சாரிகளை ஒட்டிய வேலைகள் செய்து பிழைப்பு நடுத்துபவர்கள்.தோளில் துண்டு போட்டு நடப்பது , சைக்கிளில் ஏறி மிதிப்பது போன்றவற்றில் இருந்த தடை ஓரளவு தளர்ந்து இருந்தாலும் இன்னும் டீ கடையில் அவர்களுக்கென்று அவதாரமெடுத்த அலுமினிய டம்ளர் தான் . வீங்கி 55 வயது மதிக்கத்தக்கவர் என்று நாம் அனுமானித்துக்கொள்ள வேண்டும் ஏனென்றால் அவருக்கே அவர் வயது தெரியாது . புகையிலை , சாராயம் , கஞ்சா மற்றும் இன்ன பிறவற்றிற்கு அடிமைப்பட்டுப்போனதால் அவர்களுக்கு அடிமைத்தனம் பெரியவிசயமாக தெரியவில்லை போலும் , பத்தாவது படித்தாலே அரசு வேலை கெடைக்கும் என்றாலும் பள்ளிக்கு ஒப்புக்கு கூட எட்டிப்பார்க்காத மக்களை என்னவென்று சொல்ல. முதலாளிகளும் சம்சாரிகளும் தான் இதற்கு காரணம் என்று வைத்துக்கொண்டாலும் ஆண்டாண்டு காலமாக இவர்களும் தங்களுடைய தரத்தை உயர்த்த நினைக்க வில்லையே , இத்துனை வசதிகள் இருந்தும் பிள்ளைகளை படிக்கவைக்ககூட முடியவில்லை , போதைக்கு செலவிடும் பணத்தை கல்விக்கு பயன்படுத்தலாமே , நகரங்களில் முன்னேறிய வாழ்க்கை வாழும் தாழ்த்தப்பட்டோரோ , தங்களை மேலாக காட்டிக்கொல்வதிலும் , ஆடம்பர வாழ்க்கையிலும் லயித்துப்போனார்களே தவிர , என்றாவது கிராமங்களில் அடிமைப்பட்டு கிடக்கும் அன்பர்களை மீட்க நினைத்துக்கூட பார்ப்பதில்லையே.
கூட்டத்திற்குள்ளே நுழைந்த ஒரு இளைஞன், ஏய் அடிக்காதீகப்பா , ஏலே வீங்கி , என்ன செஞ்ச , ஏன் அடிக்காக ? என்று விசாரித்தான் நாட்டாமை தோரணையில் .
சாமி , குழந்தை கீழ விழப்போச்சு சாமி , அதான் கோயிலுக்குள்ள போயிட்டேன் , அதுக்கு அடிக்காக சாமி' என்றான் அழுதபடியே
வீங்கியின் முகம் நிஜமாகவே வீங்கி இருந்த்தது . "பிய்யல்லுற நீ எதுக்குலே கோயிலுக்குள வந்தனு சொல்லி அடிக்காக சாமி , உள்ளர இருக்கறவுக வயித்துலயும் பிய்யத்தான சுமக்காக,அப்ப அதுவும் தீட்டு தான சாமி " என்று சொல்லி முடிப்பதற்குள் மற்றொரு அடி வாயிலே விழுந்தது . கொப்புளித்த இரத்தம் வாய்க்குள் புளித்தது , அதுசரி இரத்தம் கீழ்சாதிக்காரன் வாய் என்பதால் கசக்குமா என்ன ? வீங்கி க்கு குடும்பம் என்று எதுவுமில்லை , மூன்று வருடத்திற்கு முன் விஷ சாராயம் அருந்தியதில் அவர் மனைவியும் , மகனும் போய் சேர்ந்துவிட்டனர் , வீங்கி ஒரு வாயில்லாபூச்சி, அவர் சுகம் , மகிழ்ச்சி , சோகம்,ஆறுதல் எல்லாம் அவர் வளர்க்கும் நாய்தான் . நாய்கள் விலங்குகள் இனத்தை சேர்ந்த்ததால் , அதற்க்கு இவர்கள் போல் அடிமைத்தனமாக வாழத்தெரியாது , அதிலும் வீங்கியின் நாய் சற்றே முரட்டுத்தனமானது. ஆஜானுபாகுவான உடல் அமைப்பு , புலி பற்கள் , கோபம் உமிழும் முகம் என பயமுறுத்தும் வகையிலேயே அது திரிந்து வந்தது. இதில் பல பேருக்கு கொஞ்சம் எரிச்சல் என்றாலும் , முரட்டு நாய் என்பதால் கொஞ்சம் தள்ளியே சென்றுகொண்டிருந்தனர்.
கதை பேசுவதற்கென்றே ஒவ்வொரு ஊரிலும் இந்த குட்டி பாலங்கள் கட்டுவார்கள் போலும் , இவ்வூரிலும் ஒரு பாலம் உண்டு இளவட்டங்களின் பட்டறை , பாலம் ஒரு தனி அகராதி , அதில் தேங்கியுள்ள கதைகள் கணக்கற்றவை . "ஏலே முருகா , வீங்கி நாய்க்கு வெறி பிடிச்சிருக்கம்லே , நேத்து ரெண்டு பசுமாடைகடிச்சு வைச்சு ரெண்டுக்குமே சீக்கு வந்துரிச்சாம் , பால் பீச்சுனவன் , குடிச்சவன்னு எல்லாம் ஆஸ்பத்திரிக்கு போயிருக்காயிங்க ! கெளம்புங்க வே ,இன்னிக்கு அத போட்டுறலாம் ,இல்லாட்டி அடுத்து யாரையாச்சும் கடிச்சு தொலைச்சுரும் " என்று அலறியபடியே ஓடி வந்தான் ஒருவன் . ஒரு இனம் புரியா வேகமும் வீரமும் ஒவ்வொருவரிடமும் வந்து செல்வது தெளிவாக தெரிந்தது அதிலும் முத்துவின் முகத்தில் ஒரு அதிகமான மகிழ்ச்சி காணப்படுவதில் கண்டிப்பாக நியாயம் இருக்கிறது.
முத்து ஒரு பதினாறு வயது பள்ளி செல்லும் சம்சாரி வீட்டுப்பையன் . தினமும் அவன் கலையில் எழுந்து காலைக்கடனை முடிக்க வீங்கி வீட்டைத்தாண்டி தான் செல்லவேண்டும் . வீங்கி வீட்டைத்தாண்டும்போதே அவனுக்கு தாங்கமுடியாத அளவுக்கு வெளிக்கி வரும் நாய் மீதுள்ள பயத்தின் காரணமாக . காரணம் இவன் வீட்டு வழியே சென்ற அந்த நாய் மீது சரமாரியாக கல் வைத்து அடித்திருக்கிறான் . ஏதோ ஒரு குஷியில் செய்த காரியம் இன்று அவனை இப்படி பயமுறுத்தி வைத்திருக்கிறது . இதன் காரணமாகவே , ஒவ்வொரு நாள் காலையிலும் முருகன் வீட்டிற்கு சென்று அவனை எழுப்பி விட்டு , அவன் காப்பி குடிக்கும் வரை காத்திருந்து அவனை துணைக்கு கூட்டிசெல்வான். எனவே வீங்கியின் நாய்க்கு வெறி பிடித்ததில் முத்துவுக்கு ஏக சந்தோசம் . அதை அடித்து கொன்றுவிட்டால் எவ்வளவு நிம்மதியா வெளிக்கு உக்காரலாம் .

3 மணி நேர போராட்டத்தின் முடிவில் வீங்கியின் நாய் சாய்ந்தது . இருபது இளைஞர்களுக்கு நடுவே அது இழுத்துக்கொண்டு கிடந்ததது .
நாய்கள் எப்போதுமே இப்படித்தான் , எவ்வளவு அடித்தாலும் ,பஸ்ஸே ஏறினாலும் நிறைய நேரம் இழுத்து கிடந்தது தான் சாகும் . ஒவ்வொருவரும் தத்தமது வீரத்தை பறை சாற்றி கொண்டிருந்தனர் . " காளியம்மா கோயிலுக்கு பக்கத்துல நான் விட்ட அடி தான் அது கால உடச்சது " இப்படியாக . கூட்டத்தின் நடுவே இருந்த முத்து , செத்துக்கொண்டிருந்த நாயை கவனித்தான் . அந்த நாய் இழுத்துக்கொண்டு , ஒரு வினோத சப்தம் எழுப்பிக்கொண்டு இவனையே முறைப்பது போல் தோன்றியது , நின்றிருந்த இடத்தை மாற்றி பார்த்தாலும் அந்த நாய் இவனையே ஒரு மாதிரியாக பார்ப்பது போல் தோன்றவே ஒரு இனம் புரியாத பயம் தொற்றிக்கொண்டது முத்துவுக்கு . அப்போதுதான் அலறியடித்து ஓடி வந்தார் வீங்கி தன் செல்ல மகனை பார்க்க.
" ஐயோ சாமி , மாட்டைகடிச்சது வெளியூரு நாயி , அதை நேத்திக்கே கொன்னுட்டோமே , இப்பிடி என் நாயை அடிச்சுக்கொன்னுடீகளே " என்று அழுது புலம்பினான் . அதுவரை வில்லனாக தெரிந்த நாய் , பாவமாக தெரிந்தது முத்துவுக்கு . கூட்டம் களைய ஆரம்பித்தது , வீங்கி மட்டும் நிறைய நேரம் அழுது கொண்டிருந்தான் நாயை கட்டிபிடித்துக் கொண்டு . முடிவில் அதை தோளில் போட்டுக்கொண்டு எங்கோ சென்றான் சிறிது நேரத்திற்கு முன்னால் தரையில் இழுத்து செல்லப்பட்ட நாயை.அன்று இரவு முருகனிடம் " முருகா, நாயை எரிச்சுட்டாங்க இல்ல " என்று கேட்டான் முத்து ," இல்லடா ,அதை வீங்கி பொதச்சுட்டானமில்ல , நாம வெளிக்கி போற இடத்துலதான் எங்கேயோ போதச்சிருக்கானாம் " என்று சொல்லிவிட்டு போனான் முருகன் . இப்போது முத்து மறுபடியும் முழிக்க ஆரம்பித்தான். .வெளிக்கி போற இடத்துலியா பொதச்சாயிங்க என்ற யோசனையுடன்

மறு நாள் காலை , முத்து முருகனை எழுப்பிக்கொண்டிருந்தான் வெளிக்கு போக

Tuesday, September 14, 2010

குட்டி இருட்டு


கண்களை மூடியவுடன் கவ்விக்கொள்கிறது இருட்டு , எப்படி சாத்தியமாகிறது நமக்கு . கண்டபடி விமர்சனத்துக்குள்ளாகும் கடவுளே , நீ தான் இந்த வசதி செய்து கொடுத்தாயோ , இதோ என் முதல் ஒட்டு உனக்கு ,

நான் காயத்துடன் அழும்போது , இந்த ஒரு நொடி இருட்டு , நீண்டதொரு ஆறுதல்

இமைக்க பூமிக்கு 12 மணி நேரம் , எனக்கோ நொடி போதும்

சொல்லாத சோகங்களை , சொருகும் கண்களிடையே சுமக்கும் வலிமை , பயம் தரும் பகலில் கூட ,
அமைதி தரும் சின்ன இருட்டு , அவ்வப்போது இமைத்த விழிகளில்

நான் கண்களை மூடி இருட்டை ரசித்தால் , தேடி வருகிறது பெருமூச்சு , ஏக்கங்களை சுமந்து

Friday, September 10, 2010

பௌலோ கோல்கோ வின் குட்டிக்கதை - 2

இன்று பேராசிரியர் வகுப்பிற்குள் வரும்போதே ஒரு கண்ணாடி டம்ளர் எடுத்துகொண்டு வந்தார்.
பின் அதில் நீரை ஊற்றி , கையில் எடுத்து மாணவர்களை நோக்கி நீட்டினார்.
" என் கையில் என்ன உள்ளது "
அய்யா ! உங்கள் கையில் ஒரு டம்ளர் உள்ளது ! அதில் நீர் உள்ளது - என்றனர் மாணவர்கள்

சரி ! இதன் எடை எவ்வளவு இருக்கும் ? என்றார் பேராசிரியர்
ஓரிருவர் 150 கிராம் , சிலர் 250 கிராம் என்றனர்

சரி , இதன் எடையை 200 கிராம் என வைத்துக்கொள்வோம் என்றார் பேராசிரியர்

இப்போது அந்த டம்ளரை தன் உள்ளங்கையில் தாங்கி , கையை ஒரே நேராக வகுப்பறையை நோக்கி நீட்டி இருந்தார் பேராசிரியர்

நான் இன்னும் ஒரு பத்து நிமிடத்திற்கு இதை இப்படியே தாங்கி பிடித்திருந்தால் என்ன ஆகும் ? என்று கேட்டார் பேராசிரியர்

" கை வழிக்கு ஐயா " என்றான் ஒருவன் பாவமாக

சரி ! நான் இன்னும் ஒரு அரை மணி நேரத்திற்கு இதை இப்படியே தாங்கி பிடித்திருந்தால் என்ன ஆகும் ? கையை இறக்காமல்

" தங்க முடியாத அளவிற்கு , வலி இருக்கும் " என்றான் இன்னொரு மாணவன்

சரி ! நான் இன்னும் ஒரு இரண்டு மணி நேரத்திற்கு இதை இப்படியே தாங்கி பிடித்திருந்தால் என்ன ஆகும் ? என்றார் பேராசிரியர்

" கைகள் நடுங்கும் , உங்களால் அதை அவ்வளவு நேரம் தாங்கமுடியாது , வலியில் உயிரே போகும் "என்றனர் மாணவர்கள்

சரி ! ஒரு நாள் முழுக்க நான் இந்த டம்ளரை தாங்கி , கைகளை மடக்காமல் நின்றால் என்ன ஆகும் என்றார் , இதற்கு ஒரு மாணவன் சற்றே கோபத்துடன் " உங்கள் கைகளை வெட்டி எடுக்க வேண்டியிருக்கும் , இருப்பினும் எந்த ஒரு முட்டாளும் அவ்வளவு நேரம் அதை தூக்கி பிடிப்பானா என்ன ? " என்றான்

இப்போது பேராசிரியர் முகத்தில் ஒரு கீற்றாக சிறு புன்னைகை . மாணவர்களே , இன்று நான் சொல்ல விரும்பிய கருத்தும் அதுதான் , நம் வாழ்வில் ஏற்ப்படும் எந்த ஒரு பிரச்சினையையும் இந்த கண்ணாடி டம்ளர் போன்றதுதான் , அதை அப்படியே உன் மூளையில் ஏற்றி வைத்திருந்தால் , எப்படி அதனால் தாங்க முடியும் ? ஒரு நாள் முழுக்க உன் கைகள் தாங்காத போது , சில வருடங்களுக்கு ஏன் உன் மூளையை மட்டும் பிரச்சினைகளை தாங்க சொல்கிறாய் , இப்படி செய்வதால் உன் நலனை நீயே கெடுப்பது போல் ஆகாதா ? அதனால் என்னறுமை மாணவனே " உன் கையிலிருக்கும் டம்ளரை அடிக்கடி இறக்கி வை "

Wednesday, September 8, 2010

பௌலோ கோல்கோ வின் குட்டி கதை - 1

பேராசிரியர் வகுப்பறைக்குள் நுழைந்தார் , வழக்கமான வணக்கங்களை முடிந்தவுடன் ஒரு 500 ரூபாய் நோட்டை கையில் எடுத்தார் . பின் வகுப்பில் உள்ள அனைத்து மாணவர்களும் அடை பார்க்கும் வகையில் தூக்கி காட்டினார் .
என் கையில் இருப்பது ரூபாய் 500 தாள் . இன்று இந்த 500 ரூபாயை யாருக்காவது தருவதென முடிவு செய்துள்ளேன் என்று அறிவித்து அனைவரையும் ஒருமுறை நோட்டம் விட்டார்
சரி ! உங்களில் யாருக்கு இந்த 500 ரூபாய் தாள் வேண்டும் ? விருப்பம் உள்ளவர்கள் கையை தூக்கி காட்டுங்கள் ! என்றார்
வகுப்பில் உள்ள அனைத்து மாணவர்களும் கைகளை தூக்கினர்

இப்போது , அந்த தாளை கைகளால் நன்றாக கசக்கி விட்டு மறுபடியும் கேட்டார் "இப்போது யாருக்கு வேண்டும் இந்த நோட்டு "

அனைவரின் கைகளும் உயர்ந்தது

இப்போது , அந்த தாளை முகத்திற்கு நேராக காட்டி , காரி அதன் மீது உமிழ்ந்தார் , மீண்டும் அதே கேள்வி "இப்போது யாருக்கு வேண்டும் இந்த நோட்டு "

மீண்டும் அனைவரின் கைகளும் உயர்ந்தது

இம்முறை அந்த தாளை கீழே போட்டு தன்னுடைய ஷு கால்களால் மிதித்துக்கொண்டே கேட்டார் "இப்போது யாருக்கு வேண்டும் இந்த நோட்டு "

மீண்டும் அனைவரின் கைகளும் உயர்ந்தது

பேராசிரியர் ஒரு சின்ன பேரு மூச்சுடன் பேச ஆரம்பித்தார் " மாணவர்களே ,இன்று உங்களுக்கு நான் எடுக்கும் பாடம் இதுதான் . ஒவ்வொரு பொருளுக்கும் ஒரு மதிப்பு உண்டு . உனக்கும் ஒரு மதிப்பு உண்டு , உன்னை யார் வேண்டுமானாலும் திட்டலாம் , கிண்டல் செய்யலாம் , காரித்துப்பலாம் , காலின் கீழிட்டு மிதிக்கலாம் , ஒன்றை மட்டும் மறக்காதே , உனக்கென உள்ள மதிப்பு ஒருபோதும் குறையாது இந்த 500 ரூபாய் நோட்டு போல"

Monday, September 6, 2010

உன் பெயர் என்ன " மனிதனா " ?





செல்லமே ! என் கைகள் நடுங்குகிறது ! என் கண்களை நீ பார்க்கையில் !

என் பெயர் சொல்லி நீ அழைத்த போதெல்லாம் , அத்துணை அழகானதா என் பெயர் என்று வியந்ததுண்டு ! உன் பெயர் சொல்லி அழைக்க ஓராயிரம் முறை ஒத்திகை பார்த்து தோற்றவன் நான் .
வீட்டுத்தோட்டத்தில் தக்காளி செடிகள் நடுவே முளைத்த களைகளை அகற்றிகொண்டிருந்தேன் ,
களைகள் ! அதுவும் இறைவனின் படைப்பு தானே ! எங்கோ பிறந்து ஏதோ தின்று இங்கு எச்சமிட்டு , தானே கருவுற்று பிறந்த செடி யன்றோ ! எத்தனை போராட்டங்களுக்கு நடுவே அது முளைத்திருக்க வேண்டும்
இடம் பார்த்து பூமியில் எதுவும் பிறப்பதில்லையே ! தன் இனம் தழைக்க தோன்றிய ஒரு உயிரை , என் சுய நலத்திற்க்காக நான் எப்படி பறிப்பது ! இங்கு ஜனிப்பதற்கு கொடுக்கப்பட்ட சுதந்திரத்தை பறிப்பதற்கு நான் யார் ? காட்டில் முளைத்தால் ரசனைக்குரியதாகும் நீ , நீ என் தோட்டத்தில் முளைத்ததால் எப்படி களை ஆனாய் . எவ்வளவு அழகாக , சின்ன சின்ன மொட்டெடுத்து , சிரித்து அழைக்கிறது இந்த செடி ! இதனை பறித்தால் நான் கொலைகாரன் , பறிககாவிடில் பைத்தியக்காரன்
எனை கல்விக்காக பயிரிட்டபோது , முளைத்த காதல் களை நீ ! அழகாகத்தான் நீயும் துளிர்த்தாய் , சில்லென சிலிர்த்து , இரு கை இலைகளை விரித்து , ஆழமாய் வேர் விட்டு , இதழ்களில் பனித்துளி சுமந்து , அதில் படும் சின்ன ஒளி கீற்றை ஆயிரம் வண்ணத்துகள் களாய் சிதறடித்து , நெட்டி நிமிர்ந்து , சிரித்து திணற விட்டாய்
விவசாயியை நிராகரிக்கும் களை - காதல் , ஏனென்றால் காதலில் உனக்கு பிடிக்காத பட்சத்தில் நானுமொரு களை தானே
நீ கிளித்துபோட்ட பயணச்சீட்டை முகர்ந்து ரசித்த என்னை புத்தியற்றவன் என எவரும் ஏசுவதில்லை
உன்னுடன் பேசுவதை நினைத்து , என்னுடன் பேசிக்கொண்ட பொழுதுகளில் , திடீரென தொற்றிகொள்ளும் ஒரு இனம் புரியா சோகம் , சோகமும் சுகமும் காதலில் ஒன்றுதான் போலும்
இதோ ! நீ என்னோடு சேர்ந்து காலத்தை கட்டிபோட்டு விட்டாய்!
உனக்கு என்னில் பிடித்தது எதுவென அறியேன் ! அறியவும் விரும்பேன் ! அறியும் பட்சத்தில் என் காதலின் எடை அறிவது போல் அன்றோ அது
என் உள்ளங்கை தேவதையே ! நான் பேசியது உனை கவருவதரக்கல்லவே! எப்படி மறந்தாய் அவற்றை !
ஊர் பேசியது உண்மை தான் - நீ ஒழுக்கம் தவறினாய் என்று !
உனை காதலித்து மரணத்தை மன்னித்தவன் நான் ! புறம் பேசும் இம்மக்களை மன்னிக்கமாட்டேனா
ஒழுக்கம் - இவர்கள் தரும் விளக்கம் தான் என்ன ?
உடலிலேயே இருந்துவிட்டால் விசமாகும் மலத்தை வெளித்தள்ளுதல் ஒழுக்கக்கேடா
நீ மனிதன் - உன் வகை என்ன ! அறிவியல் என்ன சொல்கிறது உன்னை பற்றி , மேதைகள் எப்படி சொன்னார்கள் உன்னை பற்றி - பிறப்பில் நீ பல புனர் தேடும் பிறவி தானே - உடல் கேட்கும் பசியில் ஒன்றுதானே கலவி
யார் போட்ட முடிச்சிது - காதலும் கல்வியும் ஒருவனுடனே என்று

பொய் என நீருபிக்கபட்டதை - ஏன் கட்டி காப்பாற்றுகிறாய்!

காதலுக்கு எதிபார்ப்புகள் கிடையாதே , எதிர் பார்க்கப்படின் அது காதலே இல்லையே

சரணடை - முற்றிலும் சரணடை - காதலின் மந்திரம் உன் காதில் விழவில்லையா

உடல் சொல்லி மனம் செய்தல் தவறாகாது பெண்ணே ! மனம் சொல்லி உடல் செயதால்தான் தவறு

உன் உடல் சொல்லி செய்த செயலுக்கு , ஏனடி மனம் சொல்லி தவறிழைத்தாய்

" விடையில்லா கேள்வி ஒன்று உண்டு - இந்த பிரபஞ்சத்தில்
இந்த பெண் என்னதான் விரும்புகிறாள் " - பிராய்டு



நீ எதை விரும்பி மரணித்தாய்! நீ இழைத்த தவறென்ன - என்னை விட்டு சென்றதைத்தவிர

என் மனக்குளத்தில் நீ விட்டெறிந்தது- கல்.
சலசலப்பு ஓய்ந்து , சமநிலை அடைந்தது
ஆயினும் இன்னும் ஒரு ஓரத்தில் நீ எறிந்த கல் - காதல்

நம் மனங்கள் வாழ்கிறது - அதை வாழ்விக்க நான் வாழ்வேன் - ஒவ்வொரு நொடியும் உன்னோடு

நான் காலத்தை கட்டி போட்டவன் - எனக்களிக்கப்பட்ட பெயர் : "மன நோயாளி "
காலத்தை கழித்து வாழும் உனக்கு பெயர் என்ன ? " மனிதனா "

Friday, September 3, 2010

அவன் என் நண்பன்

அப்படித்தான் சொல்கிறான் ! அப்படித்தான் சொல்கிறேன் !

முதல் முறை பார்த்தபோதே தெரிந்து கொண்டேன் அவன் முட்டாள் என்று ! ஆனால் ,
ஒவ்வொரு முறையும் நான் தான் முட்டாளாகுகிறேன்,ஆக்குகிறான் ,

ஆயினும் அவன் என் நண்பன்

எனக்கு தெரியாத விஷயங்கள் பேசுகையில் , அவன் ஆதிக்கவாதியாவான் !
எனக்கு தெரிந்ததை பற்றி பேசுகையில் , நான் அரைவேட்காடு ஆவேன் !

ஆயினும் அவன் என் நண்பன்

ஜோசியம் பயின்றான் சுடுகாட்டில் ,
துணை இயக்குனர் ஆனான் சினிமாவில்
கோ .ப . செ என்றான் ஒரு அரசியல் கட்சியில்
இன்று வியாபாரியாம் அவன் சென்னையில்

மாறிக் கொண்டே இருப்பது அவன் இயல்பு
மாறித் தொலையாதது என்னுடன் கொண்ட நட்பு

அவன் குழப்புகையில் தெளிவாக குழம்பும் நான்
அவன் தெளிவடைய செய்கையில் குழப்பத்துடன் தெளிவாவேன்

"முட்டாளுடன் முட்டாளே சேருவர் ! " என்பதை ஆணித்தரமாக மறுக்கிறேன் ,
அவனை சுற்றி அய்யகோ அறிவாளிகளின் கூட்டம்

உயிர் போனாலும் கடன் வாங்கவே மாட்டான் !
திருப்பிகொடுத்தால்தானே வாங்கியது கடனாகும் !

எனக்கு அவன் தேவையற்ற சுமை , தேவையான தொல்லை

ஏனென்றால் ,

அவன் என் நண்பன்

கந்து வட்டி கடை - 2 ( கடன் அட்டை - கிரெடிட் கார்டு வாங்கலையோ )

கும்புடுறேனுங்கோ !
வீட்ல ரேசன் அட்டை , பால் அட்டை அல்லது போஸ்ட் அட்டை இருக்கோ இல்லையோ , கந்து வட்டி பேங்க் காரன் தார கடன் அட்டை இருக்கு சாமி
இந்தியாவுல தான் டிபால்டர் ( ஏமாத்துறவனுங்க ) அதிகம்னு எல்லா பேங்க் மக்களும் சொல்றாய்ங்க
ஆனா இங்க தான் எல்லாவனும் கடைய போடுதாணுக

சரி ! விசயத்துக்கு வருவோம்

கிரெடிட் கார்ட் வாங்குனா 3 % வட்டி மாசத்துக்கு இது எல்லாருக்கும் தெரிஞ்சது தான்
தெரியாததது என்ன ,
ஒரு நாள் தள்ளி ரூவா கட்டுரவுகளுக்கு , 350 ரூவா அபராதம்
அய்யா நான் காட்ட வேண்டியது 2000 ரூவ்வா அதுக்கு 350 ருவ்வா அபாரதம்னா கணக்கு இடிக்குதுள்ள சாமி , அதாவது 17 .5 % வட்டி , கந்து, கந்தாத ,கந்தலாக்குற வட்டி

சரி ! அடுத்த கணக்குக்கு வருவோம் !

மாசத்துக்கு 3 % வட்டி , அப்படீன்னா வருசத்திகி 36 % வட்டி , உங்க காச எப் டி ல போட்டா அதிக பட்சம் வட்டி 10 % , பி எப் ல 12 % வட்டி ஆனா உங்ககிட்ட வசூளிக்கறது 36 % மீட்டர் வட்டி சாமி.
போன வருஷம் ஆஸ்திரேலியா போயிருந்தேனுங்க , சிட்டி பேங்க் கார்ட் வட்டி வருசத்துக்கே 2 .5 % தானுங்க. அப்ப இந்தியாவுல இருக்குறவனுக இழிச்சாவய்க் ........ திகளா

எம் என் சி பேங்க் மக்களை விடுங்க , இத ஒத்துக்கிட்ட ரிசர்வ் பேங்க் கே கூ களை என்ன சொல்ல.
ஒரு நடுத்தர வர்க்க மனுஷன் , சராசரியா 63 % வட்டி கற்றான் கிரெடிட் கார்ட் க்கு மட்டும் , சர்வே சொல்லுது சாமி
காலனி ஆதிக்கம் இல்ல சாமி , இப்போ வெள்ளைக்காரனுக கையணி , உடம்பனி, சூ.....னி ஆதிக்கம் பண்றான்
நம்மாளுக 350 ரூவ்வா தான , 3 % தான ன்னு மேலோட்டமா போறானுக
அவன் இங்க போட்ட புராஜட் , சாப்ட்வேர் எல்லாத்துக்கும் உன்கிட்ட வேற ரூட்ல அள்ளிட்டுபோறான்
ரோசிங்க சாமி ! வெள்ளக்காரன் கார்ட் க்கு 2 .5 % வட்டி உனக்கு 36 % வட்டி ,
இதில்லாம இன்சூரன்ஸ் , மெடிக்கல் , ஆண்டு பீஸ் , அண்டராயர் பீஸ் ன்னு தனி கொள்ளை வேறு
இந்த விஷயம் தெரியாம , நம்ம மருத காரவுக அருவாளத் தீட்டிகிட்டு கெடா மீசை வச்சு கஷ்டப்பட்டு 10 % வட்டி வாங்கி , கந்து வட்டீன்னு பீத்திக்கராணுக ,
போங்க சாமி போயி ரெண்டு டை கட்டி கிரெடிட் கார்ட் விக்க ஆரம்பிங்க